+7 (701) 759 90 19
USD 424.49 EUR 504.51
RUB 5.59 CNY 64.57
Jańalyqtar

Jer qoınaýyn paıdalanýshynyń aýdarymynyń bir bóligi aýdandyq bıýdjetke bólinedi

2020 jylǵy 28 qazan 15:09
Bólisińiz:
Jer qoınaýyn paıdalanýshynyń aýdarymynyń bir bóligi aýdandyq bıýdjetke bólinedi

NUR-SULTAN. QazAqparat – Jer qoınaýyn paıdalanýshylardyń aýdarymdarynyń bir bóligi mindetti túrde aýdandyq bıýdjetke bólinedi, dep habarlaıdy QazAqparat tilshisi.

QR keıbir zańnamalyq aktilerine bıýdjet zańnamasyn jetildirý máseleleri boıynsha ózgerister men tolyqtyrýlar engizý týraly zań jobasy qaralǵan Parlament Májilisinde depýtat Káribaı Musyrman Ulttyq ekonomıka mınıstrligine joldady.

«Qoldanystaǵy Bıýdjet kodeksine sáıkes osyǵan deıin jer qoınaýyn paıdalanýshylardyń óńirdiń áleýmettik-ekonomıkalyq damýyna jáne onyń ınfraqurylymyn damytýǵa arnalǵan aýdarymdary tek oblystyq bıýdjetke túsip keldi. Al qaralyp otyrǵan zań jer qoınaýyn paıdalanýshylardyń aýdarymdarynyń bir bóligi – oblystardyń ǵana emes, aýdandardyń da áleýmettik-ekonomıkalyq damýyna aýdarylýy qarastyrylyp otyr. Osyǵan oraı sizge qoıar suraǵym: osy qarajatty aýdandyq deńgeıge berý tártibi qandaı bolady?» - dedi Káribaı Musyrman.

Bul suraqqa jaýap bergen Ulttyq ekonomıka vıtse-mınıstri Ermek Alpysov qazirgi ýaqytta jer qoınaýyn paıdalanýshylardyń aýdarymdary tolyǵymen oblystyq bıýdjetke túsip jatqanyn rastady.

«Aýdandardyń aýmaǵynda arnaıy karerlar bolsa sol óńirde jergilikti ókiletti organdar ınfraqurylym jasaýy kerek. Sol tólemaqy arqyly bul jumys júrgizilýi tıis. Bul normatıv oblystyq máslıhattyń sheshimimen bekitiledi. Árbir aýdanǵa qandaı mólsherde beriletini osylaı sheshiledi», - dedi ol.

Májilis tóraǵasy Nurlan Nyǵmatýlın óz kezeginde bul normaǵa qatysty óz pikirin bildirdi.

«Buryn qalaı edi? Іri kásiporyndardan bólinetin qarajat oblystyq bıýdjetke ǵana kelip túsetin. Ar jaǵynda odan ary aýdandarǵa bere me, joq pa – ony oblystardyń basshylary sheshetin. Kezinde oblystardy basqarǵan kezde Omarhan Nurtaıulynan (Óksikbaev) biraz taıaq jedik. Esep komıteti suraý salatyn. Al osy jańa norma boıynsha túsken qarjy aýdandarǵa mindetti túrde bólinetin bolady. Tek máslıhattyń sheshimi kerek. Bul – jergilikti atqarýshy organdar úshin óte mańyzdy norma», - dedi Májilis spıkeri.


Bizdiń kanalymyzǵa jazylyńyz:

Bólisińiz:

Avtor:

Aıan Bekenuly

Pikir qaldyrý
+7
Jiberý
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Janıbek Amangeldı
Janıbek Amangeldı
954-059

MURAǴAT