+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

JEO-2 nemese avtokólik: qalany qaısysy kóbirek lastaıdy

2019 jylǵy 12 jeltoqsan 16:36
Bólisińiz:
JEO-2 nemese avtokólik: qalany qaısysy kóbirek lastaıdy

ALMATY. QazAqparat – Búgin Kazakhstan Urban Conference konferentsııasynda Almaty ákimi qalanyń aýa basseıniniń lastanýyna qatysty pikirin jetkizdi, dep habarlaıdy QazAqparat tilshisi.

Uqsas jańalyqtar
Maǵzum Myrzaǵalıev: Elimizdegi qoqys polıgondary syıymdylyǵy tolatyn shegine jetip qoıǵan Prezıdenttiń ıtbalyqtyń máselesin qozǵaǵany qoǵamdaǵy jaıttarǵa beı-jaı qaramaıtyndyǵyn kórsetti – ǵalym Eń jas ekobelsendi: Eshkim sýdy tıimdi paıdalanyp jatqan joq

«Almaty ekologııasyna ne áser etedi? JEO-2, avtomobıl men jeke sektor qaldyqtary. Osy úsh faktordy qalaı ońtaıly sheshe alamyz? Júrgizilgen taldaýlardyń nátıjesinde kómir jaǵatyn úıler aýa basseınin lastaıdy degen qorytyndynyń jańsaq ekenine kóz jetkizdik. Qalada jekemenshik úılerdiń 99 paıyzy gazben qamtylǵan. Túrksib aýdanynda tek 3000 úı ǵana gazǵa qosylmaǵan. Bul úılerdiń 300-inde áleýmettik turǵydan az qamtylǵan otbasylar ekeni anyqtaldy. Biz bul otbasylardyń úılerin bıýdjet esebinen qosamyz. Sonda bul suraq jabylady», - dedi ákim.

«Ekinshi másele, JEO-2 aýanyń lastanýynyń 20-27% alyp otyr. Tehnologııalyq sheshimin tabýy qıyn máseleler bar. Barlyq qazandyqtar jer astynda ornalasqan. Ortalyqty gazǵa kóshirý týraly mamandar sóılesin. Kógildir otyn jerastynda tura ala ma? Jarylyp ketpeı me? Men bilmeımin. Muny bilikti mamandar aıtýy kerek», - dedi Baqytjan Saǵyntaev.

Onyń aıtýynsha, eger jerastyndaǵy qazandyqtar gazǵa kóshpeıtin bolsa, bólek gaz qazandyǵyn salý kerek. Bul jumysqa 2 mlrd dollardaı qarajat ketýi múmkin.

Bul nysan «Samuryq Energo» kompanııasynyń balansynda tur.

«JEO-2 máselesin túbegeıli sheshý kerek. Eger bul ákimdiktiń qolynda bolsa, sheshimin tabar edik», - dedi ol.

Baqytjan Saǵyntaev kólik qaldyqtary máselesin sheshý úshin uzaq ýaqyt pen tózim kerektigin aıtty.

«Basynda ekologııalyq ahýalǵa baılanysty qoǵamdyq kólikterdi dızelge kóshirý máselesi birinshi orynda turǵan. Avtobýs parkteri birqatar jańaryp qaldy. Endigi maqsat gazben júretin jáne elektrmen júretin avtobýstar alýǵa kúsh salatyn bolamyz. Basqalary bolmaýy kerek. Aqyryndap avtobýstardyń barlyǵyn gazǵa aýystyramyz. Qaladaǵy trolleıbýstar da jelilerdiń tozýyna baılanysty turyp qalady. Osyǵan baılanysty trolleıbýs jelilerin qaıta jańǵyrtý qolǵa alynady», - dedi Baqytjan Saǵyntaev.

Al qatysýshylardyń qaı faktor kóbinese Almaty aýasyn lastaıtynyn suraǵanda qala ákimi bul suraqqa tap basyp aıtý múmkin emestigin aıtty.

«Ony tap basyp aıtý qıyn. Meniń oıymsha, kómir jaǵatyn jeke sektor máselesin ońaı retteýge bolady. Al JEO-2 men avtokólik máselesine kelsek, birinshi kezekte JEO-2 máselesin sheshken durys. Sonda, qaısysy kóbirek lastaǵany anyqtalady. Men ózim osy baǵytta jumys jasaıtyn bolamyn. Sizderdiń kómekterińizge úmit artamyn», - dedi qala basshysy.

Bizdiń kanalymyzǵa jazylyńyz:

Bólisińiz:

Avtor:

Gúlmıra Ǵosmanálı

Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Janat Qapalbaeva
Janat Qapalbaeva
954-059

MURAǴAT