Jeńis Tuıaqov Jetisý oblysy ákiminiń orynbasary bolyp taǵaıyndaldy
2022 jylǵy 27 maýsym 17:05

Jeńis Tuıaqov Jetisý oblysy ákiminiń orynbasary bolyp taǵaıyndaldy

TALDYQORǴAN. QazAqparat - Jetisý oblysy ákiminiń orynbasary bolyp Jeńis Shylbynuly Tuıaqov taǵaıyndaldy, dep habarlaıdy QazAqparat tilshisi.

Jeńis Shylbynuly 1967 jyly týǵan. Bilimi joǵary.

Almaty memlekettik medıtsına ınstıtýtyn, QR Qarjy akademııasyn, «AlmaU» ýnıversıtetin bitirgen, iskerlik ákimshilik júrgizý doktory.

Eńbek jolyn kommertsııalyq qurylymdarda bastady.

Ár jyldarda «KEGOC» jáne basqa da ulttyq kompanııalarda basqarýshy dırektor boldy.

Qazaqstan Respýblıkasy Energetıka, ındýstrııa jáne saýda mınıstrliginde departament dırektory, Taldyqorǵan qalasynda «TATEK» AQ prezıdenti, Jambyl jáne Pavlodar oblystarynyń energetıka jáne TÚKSh basqarmalarynyń bastyǵy, Qazaqstan Respýblıkasy Premer-Mınıstri Keńsesiniń óńirlik damý bólimi meńgerýshisiniń mindetin atqarýshy laýazymdarynda boldy.

2017 jyldyń shildesinen beri Almaty oblysy ákiminiń orynbasary qyzmetin atqardy.


Seriktester jańalyqtary

Jańalyqtar

Úrdis

MURAǴAT