+7 (701) 759 90 19
USD 376.16 EUR 406.18
RUB 5.90 CNY 53.60
Jańalyqtar

Jeńis Qasymbek jol jóndeýge jergilikti jumysshylardy tartýdy tapsyrdy

2020 jylǵy 21 qańtar 08:57
Bólisińiz:
Jeńis Qasymbek jol jóndeýge jergilikti jumysshylardy tartýdy tapsyrdy

QARAǴANDY. QazAqparat - Qaraǵandy oblysyndaǵy respýblıkalyq mańyzy bar joldarda jóndeý jumystarynyń kólemi 4 ese artady, dep habarlaıdy QazAqparat tilshisi.

Uqsas jańalyqtar
Jolymyz syn kótermeıdi – Aqtóbe oblysynyń ákimi Elordadaǵy Qabanbaı batyr dańǵyly segiz jolaqty bolady Aqmola oblysynda 412 shaqyrym jol jóndeldi

Sonymen qatar Qaraǵandy óńirinde oblystyq mańyzy bar joldardy jóndeý qarqyndaı túspek. Osy jobalarda jergilikti halyqty jumysqa barynsha tartý kerek, dep esepteıdi aımaq basshysy Jeńis Qasymbek.

«Bıyl avtomobıl joldaryn salý jáne jóndeý boıynsha aýqymdy jumystar atqarylady. Ótken jylmen salystyrǵanda qarjylandyrý jáne jumys kólemi 3,5-4 ese ulǵaıady. Respýblıkalyq joldardyń 30%-dan astamyn birinshi jáne ekinshi sanatqa aýystyrý josparlanyp otyr. Jalpy jergilikti jáne respýblıkalyq joldarǵa 4500-ge jýyq jumysshy jáne 3000-nan astam tehnıka jumyldyrylady. Óńir úshin bul - jańa jumys oryndary men ınvestıtsııa. Jergilikti kadrlardy barynsha tartý úshin merdigerlik uıymdarmen jumys júrgizý qajet», - dedi Jeńis Qasymbek apparattyq keńeste.

Jumyspen qamtýdy úılestirý basqarmasynyń basshysy Ásem Júnispekovanyń aıtýynsha, oblysta jol jumysshylaryn jedel tártipte daıyndaıtyn 17 oqý ortalyǵy bar. Onda býldozershi, tóseýshi, ekskavatorshy sekildi 11 mamandyqty meńgerip shyǵýǵa bolady.

Oblys ákimi sondaı-aq qurylys materıaldary qoryn ýaqytyly daıyndaýdy tapsyrdy.

«Qurylys jumystary men qoldanylatyn jol-qurylys materıaldarynyń sapasyn qamtamasyz etý erekshe baqylaýda bolady», - dep atap ótti aımaq basshysy.

Jolaýshylar kóligi jáne avtojol basqarmasy basshysynyń orynbasary Saıat Shaımın habarlaǵandaı, oblysta 2020 jyly respýblıkalyq jáne oblystyq mańyzy bar 1 500 shaqyrymnan astam avtomobıl jolyn jóndeý josparlanǵan. Ótken jyldyń qorytyndysy boıynsha jaqsy jáne qanaǵattanarlyq jaǵdaıdaǵy joldardyń úlesi - 77%. Al bıyl sol kórsetkishti 84%-ǵa deıin arttyrý josparlanyp otyr.

«Ortalyq-Ońtústik» aýqymdy jobasyn qosa alǵanda, oblystyń jol ınfraqurylymyn jaqsartý boıynsha jumys jalǵasady. «Novodolınka-Shahan-Molodetskoe» ótpeli nysanyn qaıta qurý josparlanǵan. Sondaı-aq «Qaraǵandy-Saran-Shahtınsk» avtojoly ýchaskesinde jumys jalǵasady. 2020 jyly «Nurly jol» memlekettik baǵdarlamasynyń ekinshi besjyldyǵy aıasynda 50/50 parıtettik negizde jergilikti mańyzy bar, uzaqtyǵy 415 shaqyrym bolatyn avtojoldardyń 20 ýchaskesin ortasha jóndeý qarastyrylǵan. Onyń ishinde Qazaqstannyń týrıstik kartasyna engen Qarqaraly jáne Ulytaý aýdandaryndaǵy obektiler bar», - dep habarlady baıandamashy.

Bıyl Osakarov, Abaı, Nura jáne Buqar Jyraý aýdandarynda 5 jańa jobany bastaý josparlanyp otyr. «Aýyl – el besigi» arnaıy jobasy boıynsha oblystyń bes aýdanyndaǵy jeti kenttiń 35 kóshesine jóndeý jumystary júrgiziledi.

Avtojoldardyń uzyndyǵy boıynsha Qaraǵandy oblysy respýblıkada besinshi orynda. Óńir boıymen 12 441 shaqyrym jol ótedi, onyń ishinde 2 785 shaqyrymy - respýblıkalyq mańyzy bar jol. 3 462 shaqyrym - oblystyq jáne 6 194 shaqyrym - aýdandyq mańyzy bar joldar men eldi meken kósheleri.


Bizdiń kanalymyzǵa jazylyńyz:

Bólisińiz:

Avtor:

Agata Mýhamedjanova

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Erbol Janat
Erbol Janat
954-059
REDAKTOR
Janıbek Amangeldı
Janıbek Amangeldı
954-059

MURAǴAT