+7 (701) 759 90 19
USD 427.93 EUR 506.71
RUB 5.55 CNY 64.29
Jańalyqtar

Jeńis Qasymbek oblystyq máslıhat depýtattarynyń aldynda esep berdi

2020 jylǵy 21 qyrkúıek 17:54
Bólisińiz:
Jeńis Qasymbek oblystyq máslıhat depýtattarynyń aldynda esep berdi

QARAǴANDY. QazAqparat - Jeńis Qasymbektiń Qaraǵandy oblysy ákimi qyzmetine kiriskenine bir jyl toldy. Ol búgin óziniń laýazymdyq mindetterin oryndaý týraly kezekti 42-shi sessııada oblystyq máslıhat depýtattary aldynda esep berdi, dep habarlaıdy QazAqparat tilshisi.

Uqsas jańalyqtar

Óńir basshysy óńirdiń densaýlyq saqtaý júıesin KVI ekinshi tolqynyna daıyndaý, ónerkásipti, shaǵyn bıznesti damytý jáne jumys oryndaryn qurý týraly baıandama jasady.

«Osy jyl ishinde Qazaqstan Respýblıkasy Prezıdentiniń 2019 jylǵy 2 qyrkúıektegi «Syndarly qoǵamdyq dıalog - Qazaqstannyń turaqtylyǵy men órkendeýiniń negizi» atty joldaýy, Memleket basshysynyń «Igilik barshaǵa! Sabaqtastyq. Ádildik. Órleý», Prezıdenttiń 10 basym mindeti jáne Elbasynyń 5 bastamasy sheńberinde alǵa qoıylǵan birqatar maqsattar oryndaldy», - dedi Jeńis Qasymbek.

Oblys ákimi óz baıandamasyn COVID-19indetiniń yqtımal ekinshi tolqynyna daıyndyqtan bastady. Ol negizgi bes baǵyt boıynsha ótedi: ınfraqurylymdy jaqsartý, statsıonarlar men emhanalardyń materıaldyq-tehnıkalyq bazasyn kúsheıtý, dári-dármekterdiń turaqtandyrý qoryn qurý, densaýlyq saqtaý mekemelerin kadrlarmen qamtamasyz etý jáne medpersonaldy oqytý.

«Qazan aıynyń ortasy - pandemııanyń ekinshi tolqyny bastalýynyń boljamdy ýaqytyna deıin KVI emdeýge arnalǵan tósek-oryn sany 5 200-ge jetkiziledi. Qyrkúıek aıynda qosymsha 500 ottegi kontsentratory, 1 500 pýlsoksımetr, 416 baılanyssyz termometr satyp alyndy jáne jetkizildi. Qazan aıynda 151 ÓJJ-apparaty keledi dep kútilýde. 24 nysanda medıtsınalyq gazdyń ortalyqtandyrylǵan júıesin jáne tórt ottegi stantsııasyn ornatamyz», - dep habarlady Jeńis Qasymbek.

Sonymen qatar, osy jyldyń sońyna deıin óńirde qosymsha bes kompıýterlik tomograf jáne úsh PTR zerthana jumys isteı bastaıdy.

Óńirlerdegi jas dárigerlerge baspana beriledi. Qazaqstandyq ıpotekalyq kompanııamen jasalǵan shartqa sáıkes medıtsına qyzmetkerlerine 300 páter bólinedi.

Óńir basshysy sondaı-aq ónerkásiptiń damýy týraly aıtty. 2020 jyldyń 8 aıynyń qorytyndysy boıynsha osy saladaǵy naqty kólem ındeksiniń ósýi 102,6%-dy qurady. Jyl qorytyndysy boıynsha ósim keminde 3%-ǵa josparlanyp otyr.

Oblysta jańa ınvestorlardy izdeý boıynsha baǵytty jumys júrgizilýde. Bıyl ınvestıtsııa kólemi 425,5 mlrd teńgeni qurady. Onyń 85%-y - jeke menshik.

Jyl basynan beri óńirde alty óndiris iske qosyldy. Olardyń qatarynda altyn óndirý fabrıkasy, Tehnıkalyq gaz óndirý zaýyty, jez zaýyty jáne Hitachi Construction Corporation iri gabarıtti tehnıkaǵa qyzmet kórsetý ortalyǵy bar. 2021 jyldyń qańtaryna deıin taǵy alty kásiporyn paıdalanýǵa beriledi.

«Budan basqa, RTB bazasynda Yutong transulttyq qytaı kompanııasymen birlesip avtobýstar men arnaıy tehnıka óndirisi boıynsha zákirli jobany iske asyrý bastaldy. Avtomobıl shınalaryn óndirý boıynsha joba qol qoıý satysynda. 2025 jylǵa qaraı AAI ındýstrııalyq bazasynda shamamen 7,5 myń jumys ornyn qurý josparlanýda», - dep habarlady Jeńis Qasymbek.

Ol sondaı-aq pandemııa kezindegi bıznesti qoldaý sharalary týraly aıtty.

Oblysta 4 800 jalǵa alýshy, onyń ishinde iri saýda ortalyqtarynda 3 600 jalǵa alýshy jaldaý aqysynan tolyq bosatýdan bastap 40% jeńildikke deıin jeńildikter aldy.

300-den astam kásipkerge ekinshi deńgeıdegi bankterdegi nesıeler, negizgi qaryz jáne paıyzdar boıynsha tólemderdi keıinge qaldyrý ruqsat etildi.

Oblysta barlyǵy 4,5 myń kásipkerge qarjylyq jáne qarjylyq emes qoldaý kórsetý josparlanyp otyr, bul 8 myńǵa jýyq jumys ornyn qurýǵa jáne saqtaýǵa múmkindik beredi.

«Karantınniń shekteýli sharttary bıznes úshin jańa múmkindikter ashty. Osy jyly elektrondy saýda jáne bilim berý, medıtsına, konsaltıng, turmystyq qyzmetterdegi onlaın-servıste kompanııalar paıda boldy. Onlaın-tapsyrystar men jetkizý 2 ese ósti, qolma-qol aqshasyz tólemge degen senim artty - olar 5 eseden astam ósti. Bul rette olardyń taýar aınalymyndaǵy úlesi 14,6%-dan 78,6%-ǵa deıin ulǵaıdy. Bul óz kezeginde ekonomıkanyń kóleńkeli sektoryn aıtarlyqtaı qysqartty», - dep atap ótti oblys ákimi.

Sondaı-aq, óńir basshysy aýyl sharýashylyǵy ónimderi kóleminiń ósýine jáne óńirdiń ınfraqurylymyn jaqsartýǵa jáne jastar úshin jumys oryndaryn qurýǵa múmkindik beretin áleýmettik mańyzy bar jobalardyń tabysty iske asyrylýyna toqtaldy.

Oblys ákiminiń baıandamasyn tyńdaǵan depýtattar óz pikirin bildirdi. Atap aıtqanda, Svetlana Bramontova medıtsına salasyndaǵy tsıfrlandyrýdyń mańyzyna nazar aýdarsa, onyń áriptesi Aıman Túkbaeva shalǵaı aýdandardaǵy joldardyń jaı-kúıiniń aıtarlyqtaı jaqsarǵanyn atap ótti.


Bizdiń kanalymyzǵa jazylyńyz:

Bólisińiz:

Avtor:

Agata Mýhamedjanova

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059
REDAKTOR
Janat Qapalbaeva
Janat Qapalbaeva
954-059

MURAǴAT