+7 (701) 759 90 19 Lenta
USD 386.77 EUR 427.26
RUB 6.00 CNY 54.56
Jańalyqtar

Jeńis Qasymbek: Qazaqstandyq mashına jasaý salasy ósimniń óte joǵary dınamıkasyn kórsetip otyr

2019 jylǵy 12 qyrkúıek 10:47
Bólisińiz:
Jeńis Qasymbek: Qazaqstandyq mashına jasaý salasy ósimniń óte joǵary dınamıkasyn kórsetip otyr

NUR-SULTAN. QazAqparat – Premer-mınıstrdiń orynbasary Jeńis Qasymbek qazaqstandyq mashına jasaý salasynda qandaı ózgerister baryn aıtyp berdi, dep habarlaıdy QazAqparat tilshisi.

Uqsas jańalyqtar
Qazaqstanda mashına jasaıtyn kásiporyndarǵa salyqtyq jeńildikter berilmek Eýrazııalyq odaq ortaq brendpen jumys isteýdi usyndy Indýstrııalandyrý aıasynda mashına jasaý salasynda 114 joba iske asty - mınıstr

«Qazaqstandyq mashına jasaý salasy ósimniń óte joǵary dınamıkasyn kórsetip otyr. Ótken jyly Qazaqstan ekonomıkasynyń ósimi 4,1 paıyzdyq ósimdi kórsetse, mashına jasaý salasy 14 paıyzdyq ósimge jetti. ıAǵnı, bul sala – Qazaqstan ekonomıkasynyń negizgi draıveri boldy dep aýyz toltyryp aıtýǵa bolady. Osy jyldyń jeti aıynyń kórsetkishi boıynsha bul tendentsııa jalǵasyn taýyp, Qazaqstan ekonomıkasy 4,3 paıyzǵa ósse, mashına jasaý salasy 18 paıyzdyq ósimdi, al mashına quraý salasynyń jeke, atap aıtqanda, avtokólik quraý sektorlary orasan zor – 156 paıyzdyq ósimge bir-aq sharyqtaǵan. Demek, bul kórsetkish Qazaqstannyń ekonomıkasyna aıtarlyqtaı úlesin qosýda», - dedi Jeńis Qasymbek Nur-Sultandaǵy Qazaqstan mashına jasaýshylarynyń VII forýmynda.

Onyń aıtýynsha, bıyl 26 shildede Qazaqstannyń mashına jasaý salasynyń 2019-2024 jylǵa arnalǵan Jol kartasy bekitilgen.

«Bul qujat – salany damytýdyń strategııalyq keleshegi, negizgi damý baǵyttaryn aıqyndaýshy. Osy qujat arqyly otandyq kólik quraý salasynyń básekege qabilettiligin arttyrǵymyz keledi. Álbette, jańa tehnologııalarsyz bul jetistikke jetý múmkin emes. Negizgi basymdyqtardyń biri otandyq kásiporyndardyń ekporttyq áleýetin arttyrýǵa, ınvestıtsııa men salaǵa transulttyq kompanııalardy tartýǵa baǵyttalady», - dedi ol.

Vıtse-premer óz sózinde «Saryarqaavtoóndiris» kásiporny aldyńǵy kúni ǵana Qytaıda iri kelisimshartqa qol qoıǵanyn atap ótti.

«Kásiporyn óz kapıtalyna álemdik eń iri kompanııalardyń biri – «JAC» kompanııasyn engizý boıynsha kelisimge keldi. Ol kompanııa jylyna 1,5 mln avtokólik óndiredi. Biz Qostanaıdaǵy alań arqyly birlese avtokólikterdi óndirmekpiz. Osylaısha, bizdiń áriptester kelisim EAEO, Ortalyq Azııaǵa naryqtaryna shyǵýǵa serpin berer dep senim bildirýde. ıAǵnı, biz bir-birimizdi tolyqtyryp otyrmyz», - dedi Jeńis Qasymbek.

Jeńis Qasymbek sonymen birge 15 shildede «KamAz» kásipornymen kelisimge qol qoıylǵanyn atap ótti.

«Bul kelisimder arqyly aýyr júk kólikteriniń jetekshi bilikterdiń quralyn jáne shoıyn quımasyn óndirýdi kózdeımiz. Bul aıtýly jańalyq. ıAǵnı, Qazaqstan «KamAz» sekildi kólikti óndirýshi elderdiń qataryna kirip otyr», - dedi ol.

Eske sala ketsek, Nur-Sultanda Qazaqstan mashına jasaýshylarynyń VII forýmy ótip jatyr. Forýmdy QR Indýstrııa jáne ınfraqurylymdyq damý mınıstrligi men Qazaqstan mashına jasaýshylar odaǵy, «Samuryq-Qazyna» UÁQ» AQ uıymdastyrǵan. Bıyl forým «Mashına jasaý – Qazaqstandy ındýstrııalandyrý draıveri» uranymen ótedi.

Jyl saıyn forýmǵa Germanııa, AQSh, Japonııa, Italııa, Chehııa, Reseı, Qytaı sekildi iri 20 memlekettiń delegattary qatysady. Osylaısha, otandyq kásiporyndar elden shyqpaı-aq sheteldik áriptesterimen kezdesý ótkizýge múmkindik alady.


Bizdiń kanalymyzǵa jazylyńyz:

Bólisińiz:

Avtor:

Aıan Bekenuly

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT