Jeńis Qasymbek dári-dármekter alypsatarlyǵy úshin jaýapkershilik qarastyrylatynyn eskertti

QARAǴANDY. QazAqparat - Qaraǵandy oblysynyń ákimi Jeńis Qasymbek aımaqqa dári-dármek jetkizý jaǵdaıy týraly aıtyp berdi. Bólshek dárihana jelilerine jaqyn arada dári-dármekterdiń iri partııalary jetkiziletin bolady, dep habarlaıdy QazAqparat tilshisi.

Uqsas jańalyqtar

Koronavırýs ınfektsııasyn emdeý hattamasyna ózgeris engizildi

1 mln naýqasty qamtamasyz etetin dári-dármek satyp alynǵan SK-Farmatsııa COVID-19-dy emdeıtin dári-dármektiń 91 túrin satyp alǵan Qostanaı oblysyna dári-dármektiń kezekti partııasy jetkizildi

Qoımalarǵa «Ingavırınniń» 10 myń oramasy, «Azıtromıtsınniń» 15 myń oramasy jáne «Tseftrıakson» kelip tústi. Sondaı-aq, «Arpeflıý» jetkiziledi dep kútilýde. Jaqyn arada paratsetamoldyń 190 myń oramasy oblystyń dárihanalyq jelisine jóneltiledi.

Maýsym aıynyń sońǵy kúnderi dárihanalyq jelilerden dene qyzýyn túsiretin, vırýsqa qarsy preparattar men antıbıotıkterdiń keıbir túrleriniń bir aılyq qory satyp alyndy. Jáne de jetkizý toqtatylǵan joq.

Aımaq basshysy dári-dármekter salasynda alypsatarlyqqa jol berilmeıtinin atap ótti. Pandemııa kezinde paıda kózdegender keıbir naýqastardyń ómirin arashalap qalýǵa kedergi bolýy múmkin.

«Dári-dármekterdiń baǵasyn ósirip satatyndardyń barlyǵyn qatań jaza kútetinin eskertkim keledi. Dári-dármekterdi joǵary baǵamen satý – bul adamgershilikke jatpaıtyn nárse. Biz dárihanalarda dárilik zattar men medıtsınalyq buıymdardyń bolýyn anyqtaý boıynsha monıtorıng toptaryn qurdyq. Eger dári-dármekterdi dárihanadan tys satý faktileri anyqtalsa, polıtsııaǵa júgine alasyzdar. Qazirdiń ózinde ustalǵandar bar», - dep atap ótti Jeńis Qasymbek.

Óńir dárihanalaryna dári-dármek jetkizý únemi baqylaýda.

Qaraǵandy oblysynyń azyq-túlik qoımalarynda jáne turaqtandyrý qorynda 57 myń tonnadan astam áleýmettik mańyzy bar azyq-túlik qory bar. Jetkizýmen esh irkilister joq.

Jaqyn arada kartop, pııaz, sábiz, qyryqqabat, kúrish, qaraqumyq jáne ósimdik maıynyń iri partııalary kelip túsedi.

Osy jyldyń naýryz aıynda bolǵandaı, olarǵa degen suranys úsh ese artsa da, qolda bar azyq-túlik óńirdiń barlyq turǵyndaryna jetkilikti.