+7 (701) 759 90 19
USD 428.68 EUR 507.21
RUB 5.57 CNY 64.2
Jańalyqtar

Jeńis Qasymbek aldaǵy ýaqytta qandaı jumystar atqarylatynyn aıtty

2020 jylǵy 19 aqpan 15:33
Bólisińiz:
Jeńis Qasymbek aldaǵy ýaqytta qandaı jumystar atqarylatynyn aıtty

QARAǴANDY. QazAqparat - Qaraǵandy oblysynyń basshysy birinshi kezekte halyqtyń ómir súrý sapasyn jaqsartýǵa baǵyttalatyn jumys strategııasyn anyqtady, dep habarlaıdy QazAqparat oblys ákiminiń baspasóz qyzmetine silteme jasap.

Basty basymdyq – qoljetimdi, sapaly úıler men joldar salý, turǵyndardy turaqty jumyspen jáne eńbekaqymen qamtamasyz etý, óńirdegi ekologııalyq máselelerdi sheshý.
Mysaly, oblysta joldar men úılerdiń qurylysy boıynsha arnaıy jol kartasy ázirlendi. Sondyqtan da osy salalardaǵy jumys qarqynyn eselep arttyrý josparda bar, dep atap ótti Qaraǵandy oblysynyń ákimi Jeńis Qasymbek halyqpen eseptik kezdesýinde.

Óńirde 1800 kópbalaly otbasy páter alý kezeginde tur. Jergilikti bılik aldaǵy eki jylda olardyń barlyǵyn baspanamen qamtý maqsatyn qoıyp otyr.

- Memleket basshysy aıtqandaı, turǵyn úımen qamtamasyz etý – bul áleýmettik saıasattyń basymdyǵy. Bizdiń tarapymyzdan osy jyly turǵyn úı qurylysyn oblys boıynsha keminde bir jarym ese jáne oblys ortalyǵynda eki ese ulǵaıtý úshin barlyq múmkindik jasalýda. Bizde eki jyl ishinde 1800 kópbalaly otbasyn qamtamasyz etýge barlyq múmkindik bar dep esepteımin, - dedi oblys ákimi.

Elbasy 2030 jylǵa qaraı bir adamdy turǵyn úımen qamtamasyz etýdi 30 sharshy metrge deıin jetkizýdi tapsyrdy, dep eske saldy óńir basshysy. Oblysta bul kórsetkish qazir 23 sharshy metrden asady.

Ótken jyly óńirde 421 myń sharshy metr turǵyn úı salyndy. 1148 otbasy páter aldy. «Baqytty otbasy» baǵdarlamasy boıynsha 226 otbasy qonys toıyn toılady.

- 2020 jyly 5 600 otbasy qonys toıyn toılaýy úshin 600 myń sharshy metrden astam turǵyn úı tapsyrylýy tıis. Bul páterlerdiń jartysy áleýmettik qorǵalatyn sanattarǵa arnalǵan. Budan basqa, jetim balalar úshin kezek jyljýyn jedeldetemiz. Bul másele biz úshin birinshi kezekte», - dedi Jeńis Qasymbek.

Jańa qurylys sapasyn baqylaý kúsheıtiledi, dep atap ótti oblys ákimi.


Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059

MURAǴAT