Jeńildetilgen kredıt: Kásiporyndar kólikti 2 aıda jetkizýi tıis
ASTANA. QazAqparat – Kólik alýǵa jeńildikpen nesıe berý baǵdarlamasyna «SaryarqaAvtoProm» JShS men «Hyundai Trans Kazakhstan» JShS qatysady. Jeńildetilgen nesıe alatyn adamnyń ótinimi maquldansa, bul kompanııalar 60 kún ishinde avtokólikti jetkizýi tıis, dep habarlaıdy QazAqparat tilshisi.
Atap aıtqanda, baǵdarlama arqyly kólik alýǵa ótinim beretin adamdar aldymen avtomobıl qurastyrý kásipornyn tańdaýy kerek. Ótinim tapsyrylǵannan keıin tańdaý jasalǵan kásiporyndy ózgertýge bolmaıdy.
«Osy baǵdarlamanyń erejesi boıynsha kólik shyǵaratyn kásiporyndar avtomobıldi 60 kúnniń ishinde jetkizýi kerek. Kólik alatyn adam avtosalonǵa kelip, ózine kerek modeldi, komplektatsııasyn, túsin tańdaıdy. Eger bul avtokólik dál sol qalada bolsa, qujattardy bank maquldaǵannan keıin, avtomobıldi birden alyp ketedi», - dedi Qazaqstannyń avtomobıl bıznesi qaýymdastyǵynyń memlekettik retteý jónindegi dırektory Qaırat Elamanov
Onyń aıtýynsha, eki aı ishinde jetkiziletin kólikti brondaý múmkindigi bolady.
«Keıbir komplektatsııalar boıynsha kólikterdi jetkizý merzimi eki aıdan asyp ketýi yqtımal. Osy oraıda klıent balama nusqasyn tańdaı alady», - dedi qaýymdastyq ókili.
Sonymen qatar ol byltyr atalǵan baǵdarlamany júzege asyrý barysynda ótkizilgen avtokólikterdiń ortasha quny 7,8 mln teńge shamasynda bolǵanyn aıtty. Bul turǵyda adamdardy asa qymbat kólikter qyzyqtyrmaıtyny baıqaldy.
Budan buryn habarlanǵandaı, bıylǵy 6 aqpanda saǵat 10-da «Ónerkásipti damytý qory» AQ («Qazaqstannyń Damý Banki» AQ enshiles uıymy) kólik alýǵa jeńildikpen paıyzy tómen nesıe berý baǵdarlamasy boıynsha ótinimderdi qabyldaý úshin jańa platformany iske qosady. Ótinimderdi qabyldaý www.autonesie.kz resmı saıty arqyly júrgiziledi. Osy oraıda bul platforma kelesi aptada iske qosylǵan kezde 761 adam tirkele alady.
Aıta keteıik, adamdaryń ótinimderi úsh sebep boıynsha qabyldanbaýy múmkin.
