+7 (701) 759 90 19
USD 380.19 EUR 419.01
RUB 6.08 CNY 54.81
Jańalyqtar

Jeńil ónerkásip qoldaýdy qajet etedi –Lıýbov Hýdova

2019 jylǵy 13 jeltoqsan 17:49
Bólisińiz:
Jeńil ónerkásip qoldaýdy qajet etedi –Lıýbov Hýdova

ALMATY. QazAqparat – Elimizde jeńil ónerkásip salasy qoldaýdy qajet etedi. Bul týraly jeńil ónerkásip qaýymdastyǵynyń 20 jyldyǵyna arnalǵan forýmda Lıýbov Hýdova aıtty, dep habarlaıdy QazAqparat tilshisi.

Uqsas jańalyqtar
Qostanaı oblysynda quny 1 trln teńgeden astam ónerkásip ónimderi óndirildi Atyraý oblysynda polıpropılen óndiretin keshen salynyp jatyr Mańǵystaýda «Jyl adamy - 2019» baıqaýynyń jeńimpazdary marapattaldy

QR jeńil ónerkásip kásiporyndary qaýymdastyǵynyń prezıdenti Lıýbov Hýdovanyń málimdeýinshe, áleýmettik-ekonomıkalyq mańyzy zor bul salany damytýǵa álemniń kóptegen elderi áldeqashan túbegeıli betburys jasaǵan. Máselen, jeńil ónerkásiptiń úlesi AQSh, Italııa, Germanııa, Qytaı, Portýgalııa, Túrkııa sııaqty damyǵan elderde 12-20 paıyzdy quraıdy. Qytaı, Úndistan, Túrkııa, tipti irgedegi Qyrǵyzstan men Ózbekstan memleketteri tabysynyń qomaqty bóligin jeńil ónerkásip taýarlarynyń eksportynan túsirýde. Al Qazaqstandaǵy qaıta óńdeý ónerkásibi salasyndaǵy jeńil óner kásiptiń úlesi nebári 1,2 paıyzdy quraıdy.

«Jeńil ónerkásipti memlekettik qoldaý qajettiligi máselesin biz kóp jyldan beri kóterip kelemiz. Alaıda, eshteńe ózgerer emes. Ózbekstanda jeńil ónerkásip qarqyndy damýda. Sebebi bul salaǵa olar qatty basymdyq beredi. Qazaqstan sııaqty Ózbekstan da buryn 90%-ǵa jýyq shıkizat eksporttady. Sońǵy jyldary saıasat ózgerip, maqtany el ishinde barynsha kóptep qaıta óńdeýge tapsyrmalar berilgen. Olarda maqtany qaıta óńdeý boıynsha bútin bir baǵdarlama jasalyp, qabyldanǵan. Sonyń arqasynda qanshama kásiporyn ashylyp, qanshama jańa jumys oryndary quryldy. Bizdiń maqta-toqyma salamyzda búgingi tańda kásiporyndar sany óte az»,– deıdi Qazaqstannyń jeńil ónerkásip qaýymdastyǵynyń prezıdenti Lıýbov Hýdova.

Qaýymdastyq prezıdentiniń aıtýynsha, biz qolda bar shıkizatty uqsata almaı otyrmyz.

«Elimizde jeńil ónerkásip salasy kenjelep tur. Qazaqstanǵa barlyǵy syrttan tasymaldanady. Elimizde teriniń 15% ǵana ıgeriledi, al jún múlde tapshy. Óıtkeni Reseı men Qytaıdan kelgen alypsatarlar júnniń barlyǵyn shetel asyryp jatyr. Buǵan elimizdegi jún óńdeý ortalyqtarynyń sanaýly bolýy jáne júnge suranystyń joqtyǵy birden bir sebep bolýda», – dedi Lıýbov Hýdova.

Qaýymdastyq prezıdenti jeńil ónerkásiptiń ekinshi tynysyn ashý úshin kásipkerlerge salynatyn salyqty azaıtyp, sýbsıdııany kóbeıtý qajet dep esepteıdi.

«Kez kelgen eldiń ekonomıkalyq qaýipsizdigi myqty bolý úshin jeńil ónerkásiptiń úlesi 30%-dy quraýy kerek. Ázirshe bizde olaı emes. Ozyq tehnologııaǵa ıek artqan Japonııa, Koreıa memleketteriniń ózi jeńil ónerkásipten qol úzgen emes. Bul elderde jeńil ónerkásip salasynyń ónimi ishki naryqtyń 80% -yn qamtıdy. Qazaqstanda jeńil ónerkásip salasyn ilgeriletý úshin ózimizde óndiriletin taýardyń baǵasyn syrttan keletin taýardyń baǵasymen teńestirý qajet», – dedi Lıýbov Hýdova.

Aıta keteıik, QR jeńil ónerkásip kásiporyndary qaýymdastyǵynyń qurylǵanyna 20 jyl toldy. Búginde qaýymdastyq quramynda 123 kompanııa bar.

Bizdiń kanalymyzǵa jazylyńyz:

Basty sózder: Ónerkásip, Almaty,
Bólisińiz:

Avtor:

Alma Muqanova

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Janıbek Amangeldı
Janıbek Amangeldı
954-059
REDAKTOR
Jarylqasyn Saıagúl
Jarylqasyn Saıagúl
954-059
REDAKTOR
Janat Qapalbaeva
Janat Qapalbaeva
954-059

MURAǴAT