+7 (701) 759 90 19
USD 426.32 EUR 496.24
RUB 6.04 CNY 66.74
Jańalyqtar

Jemqorlyqpen kúres agenttiginiń Qoǵamdyq keńesi quramyna kimder kirdi

2021 jylǵy 20 qyrkúıek 13:48
Bólisińiz:
Jemqorlyqpen kúres agenttiginiń Qoǵamdyq keńesi quramyna kimder kirdi

NUR-SULTAN. QazAqparat - QR Sybaılas jemqorlyqqa qarsy is-qımyl agenttiginiń Qoǵamdyq keńesi quryldy, dep habarlaıdy QazAqparat.

Uqsas jańalyqtar
Marat Ahmetjanov: Bıznes salasynda jemqorlyqqa qarsy standarttar engizý qajet Atyraýda kúzet qyzmeti basqarmasy bastyǵynyń orynbasary 7 jylǵa sottaldy SQO-da 26 memorgan satyp alý baǵasyn 300 mln teńgege negizsiz kóterip jibergen


QR Sybaılas jemqorlyqqa qarsy is-qımyl agenttiginiń zańnamanyń jańa talaptaryna sáıkes qalyptastyrylǵan Qoǵamdyq keńesiniń birinshi otyrysy ótti.

Onyń quramyna Prezıdent janyndaǵy Memlekettik basqarý akademııasynyń rektory Erlan Ábil, Parlament Májilisiniń depýtaty Aıdos Sarym, M. Nárikbaev atyndaǵy KazGıÝÝ AQ basqarma tóraǵasy – Talǵat Nárikbaev, sondaı – aq birqatar qoǵam qaıratkerleri men ǵalymdar - Murat Ábenov, Isıdor Borchashvılı, Marat Báshimov, Kákimjan Bıshmanov, Aınur Sábıtova, Mels Semǵalıev, Erbol Ústemirov kirdi.
Ashyq daýys berý boıynsha Qoǵamdyq keńestiń tóraǵasy bolyp «Egemen Qazaqstan» respýblıkalyq gazeti» AQ basqarma tóraǵasy – D. Qydyráli saılandy.
Sybaılas jemqorlyqqa qarsy qyzmet basshysy M. Ahmetjanov óziniń quttyqtaý sózinde memlekettik apparat tıimdiliginiń basty kórsetkishi azamattardyń senimi bolyp tabylatynyn atap ótti. Sondyqtan, onyń aıtýynsha, agenttik jurtshylyqpen syndarly seriktestikke múddeli. Vedomstvo basshysynyń pikirinshe, buǵan qoǵamdyq keńesterdiń mártebesin kótergen, olardy nyǵaıtyp, keń ókilettik bergen zańnamaǵa bıylǵy jyly engizilgen túzetýler de yqpal etetin bolady.
Osyǵan súıene otyryp, Agenttiktiń qyzmetinde bolyp jatqan barlyq protsesterge qoǵam ókilderiniń belsendi túrde qatysatynyn atap ótti. Olardyń ishinde sybaılas jemqorlyqqa qarsy taldaýlar men monıtorıngterdi júrgizý, túrli jobalardy iske asyrý, Antikor-ortalyqtarynyń jumysy jáne t.b. «Mundaı tásil bizdiń sybaılas jemqorlyqqa qarsy saıasatymyzdy odan ári damytýǵa qýatty serpin beredi», – dep atap ótti Agenttik Tóraǵasy.
Sondaı-aq, Prezıdenttiń tapsyrmasy boıynsha Agenttik ázirlep jatqan sybaılas jemqorlyqqa qarsy saıasatty damytý tujyrymdamasy týraly aıtyp berdi. «Ony ázirleýge biz azamattyq qoǵam ókilderin tartýdy josparlap otyrmyz. Osy múmkindikti paıdalana otyryp, barlyq beı – jaı qaramaıtyn azamattar men bizdiń jurtshylyqty belsendi qatysýǵa jáne óz usynystaryn engizýge shaqyrǵym keledi», - dep túıindedi.




Bizdiń kanalymyzǵa jazylyńyz:

Bólisińiz:
Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Erbol Janat
Erbol Janat
954-059

MURAǴAT