Jemqorlyqqa qarsy agenttik qyzmetkerleri qar tazalaýǵa shyqty

NUR-SULTAN. QazAqparat - Sybaılas jemqorlyqqa qarsy is-qımyl agenttiginiń qyzmetkerleri #BizBirgemiz chellendji aıasynda elordada úılerdiń aýlalaryn qardan tazartty, dep habarlaıdy QazAqparat.

«Qazaqstan Respýblıkasynyń Sybaılas jemqorlyqqa qarsy is-qımyl agenttigi Joǵarǵy sot qyzmetkerlerinen qala kóshelerin qardan tazalaý boıynsha chellendjdi qabyl aldy. Agenttik qyzmetkerleri vedomstvo ǵımaratyna jaqyn mańdaǵy irgeles jatqan úılerdiń aýlalaryn tazalady. Bul chellendjdi biz Іshki ister mınıstrligindegi áriptesterimizge joldaımyz», – dep atap ótti agenttik tóraǵasynyń birinshi orynbasary Oljas Bektenov.

Esterińizge sala keteıik, Memleket basshysy Qasym-Jomart Toqaev elorda aýlalaryn qardan tazartý jónindegi shoýmen Tursynbek Qabatovtyń usynysyn Qazaqstanda jarııalanǵan Volonter jyly aıasyndaǵy oryndy bastama dep qoldaǵan bolatyn.

Foto: www.facebook.com/anticorruption.kz