+7 (701) 759 90 19
USD 437.20 EUR 475.32
RUB 5.79 CNY 61.94
Jańalyqtar

Jemqorlyq týraly habarlaǵan adamǵa syıaqy berýdiń jańa tártibi bekitildi

2020 jylǵy 13 aqpan 11:59
Bólisińiz:
Jemqorlyq týraly habarlaǵan adamǵa syıaqy berýdiń jańa tártibi bekitildi

NUR-SULTAN. QazAqparat - QR Sybaılas jemqorlyqqa qarsy is-qımyl agenttigi jemqorlyq týraly habarlaǵan adamdarǵa syıaqy tóleý qaǵıdalaryn túsindirdi, dep habarlaıdy QazAqparat tilshisi.

Uqsas jańalyqtar
Shahtınskte 232 mln teńge jymqyrǵan bólim basshysy sottaldy «Qazsýsharýashylyǵynyń» ýchaske bastyǵy sottaldy Qazaqstanda sybaılas jemqorlyqqa qarsy #AdaldyqJolymen chellendji bastaldy

2020 jyldyń 4 aqpanynda QR Úkimetiniń qaýlysymen Sybaılas jemqorlyq faktileri týraly habarlaǵan adamdardy kótermeleý qaǵıdalaryna túzetýler engizildi.

«Paranyń, keltirilgen zalalyń nemese kórsetilgen jeńildikter men qyzmetterdiń somasy 1000 AEK aspaıtyn bolsa, onda syıaqy kólemi burynǵy tártipte 30-100 AEK aralyǵynda qalady. Al eger para somasy 1000 AEK assa, onda syıaqy osy atalǵan somanyń nemese qunnyń 10 paıyzyn quraıdy», - dedi Ákimshilik-quqyqtyq departamenttiń bas sarapshysy Erik Bıshibekov Sybaılas jemqorlyqqa qarsy Ulttyq bıýroda ótken brıfıngte.

Mysaly, 5 mln teńge para berý faktisi týraly quqyq qorǵaý organdaryna habarlama tússe, habarlaǵan adamǵa osy somanyń 10 paıyzy, ıaǵnı 500 myń teńge tólenedi.

«Burynǵy kótermeleý júıesi boıynsha dál osy qylmysta 500 myń teńgeniń ornyna 135-185 myń teńge syıaqy berilip kelgen. Buryn qoldanyp kelgen kótermeleý júıesi boıynsha syıaqynyń eń joǵary somasy 265 myń teńge (100 AEK) bolatyn», - dedi spıker.

Onyń aıtýynsha, habarlanǵan jemqorlyq faktileri shyndyqqa saı bolǵanda ǵana syıaqy tólenedi.

«Syıaqy birden berilmeıdi. Birinshi qylmystyq is qozǵalady. Sottyń aıyptaý úkimi kúshine engen soń, syıaqy tóleýge zańdy negiz paıda bolady. Sodan bastap, 15 kún - 1 aı aralyǵynda syıaqy tólenedi. Bul syıaqy barlyq azamattarǵa birdeı beriledi. Tipti shet elderdiń azamattaryna da osy qaǵıda qoldanylady. Olar da qylmys faktisi týraly habarlap, qarajat ala alady», - dedi E. Bıshibekov.

Sybaılas jemqorlyq faktileri týraly habarlaǵan adamdardy kótermeleý qaǵıdalaryna engen túzetýler resmı jarııalanǵannan keıin 10 kúntizbelik kúnde - ıaǵnı 15 aqpanda kúshine enedi jáne aqparat bergen tulǵalar memleket qorǵaýynda bolady.


Bizdiń kanalymyzǵa jazylyńyz:

Bólisińiz:

Avtor:

Aıjan Serikjanqyzy

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT