+7 (701) 759 90 19
USD 376.51 EUR 418.91
RUB 6.13 CNY 54.90
Jańalyqtar

Jemqor qyzmetshileri úshin basshylar jaýap beredi – Ernar Baıanǵazın

2019 jylǵy 3 jeltoqsan 21:25
Bólisińiz:
Jemqor qyzmetshileri úshin basshylar jaýap beredi – Ernar Baıanǵazın

PETROPAVL. QazAqparat – Soltústik Qazaqstan oblysy boıynsha Sybaılas jemqorlyqqa qarsy qyzmettiń basshysy Ernar Baıanǵazın «Memlekettik qyzmet týraly» Zańnyń jańa redaktsııasyna túsinik berdi, dep habarlaıdy QazAqparat tilshisi.

Uqsas jańalyqtar
Aqmolada memqyzmetshilerdiń jumys kúni «Para alma» degen eskertýden bastalady Jastardyń boıynda jemqorlyqqa qarsy mádenıet qalyptastyrý mańyzdy - Alık Shpekbaev Túrkistanda sybaılastyqtyń jolyn kesýge úndeıtin fılmniń tusaýy kesildi

«Táýelsiz Qazaqstan tarıhynda tuńǵysh ret basshylardyń qol astyndaǵy qyzmetkerleri úshin jaýapkershiligi zańnamalyq deńgeıde bekitilýi - jemqorlyqqa qarsy kúreste jańa kezeńniń bastalýy», - dedi Ernar Baıanǵazın.

Sybaılas jemqorlyqqa qarsy is-qımyl agenttiginiń SQO boıynsha departamenti baspasóz qyzmetiniń habarlaýynsha, budan bylaı memlekettik saıası qyzmetshiler, ıaǵnı mınıstrler men olardyń orynbasarlary, oblystardyń, Nur-Sultan, Almaty, Shymkent qalalarynyń ákimderi men ákimderiniń orynbasarlary, aýdandardyń ákimderi tikeleı baǵynyshty qyzmetkerleri sybaılas jemqorlyq qylmys jasaǵan jaǵdaıda otstavkaǵa ketýge mindetti.

«Zańnyń jańa redaktsııasyna sáıkes, birinshi basshy tikeleı baǵynyshty qyzmetkerine qatysty sottyń aıyptaý úkimi kúshine engennen soń kúntizbelik 10 kún ishinde nemese aqtalmaıtyn negizder boıynsha qylmystyq is toqtatylǵannan keıin otstavkaǵa ketýge mindetti», - dep habarlady aýmaqtyq Departament basshysy.

Ernar Baıanǵazın naqty kimderdiń jaýapkershilikke tartylatynyn túsindirip ótti:

- ortalyq memlekettik organnyń basshysy (mınıstr) – onyń orynbasarlary, jaýapty hatshy nemese apparat basshysy, aımaqtyq bólimshelerdiń basshylary sybaılas jemqorlyq qylmys jasaǵan kezde qyzmetinen ketedi;

- oblys, respýblıkalyq mańyzy bar qalalar, astana ákimi – onyń orynbasarlary, apparat basshysy, aýdannyń (oblystyq mańyzy bar qalanyń) ákimi úshin jaýap beredi;

- ortalyq memlekettik organ basshysynyń orynbasary (vıtse-mınıstr) qaramaǵyndaǵy bólimshe nemese táýelsiz qurylymdyq bólimshe basshysy qylmysqa barsa;

- oblys ákiminiń orynbasary jergilikti bıýdjetten qarjylandyrylatyn atqarýshy organdardyń basshylary úshin jaýap beredi;

- aýdan ákimi óziniń orynbasarlaryna, apparat basshysyna, jetekshilik etetin aýdandyq atqarýshy organdardyń basshylaryna, aýyl, kent, aýyldyq okrýgterdiń ákimderi sybaılas jemqorlyq qylmys jasaǵan jaǵdaıda ornynan ketedi.

Aıta ketý kerek, «Memlekettik qyzmet týraly» Zańǵa sáıkes, memlekettik qyzmetshi laýazymǵa taǵaıyndaǵan tulǵaǵa ornynan ketý týraly ótinish beredi. Otstavkany qabyldaý nemese qabyldamaý – bul saıası qyzmetkerdi qyzmetke taǵaıyndaǵan adamnyń quzyreti.

«Eger saıası emes, biraq A jáne B korpýsynyń ákimshilik memlekettik qyzmetshisi bolsa, oǵan tikeleı baǵynyshty qyzmetkerleri sybaılas jemqorlyq quqyq buzýshylyq jasaǵan jaǵdaıda tártiptik jaýapkershilikke tartylady», - dedi Ernar Baıanǵazın.

Soltústik Qazaqstan oblysynyń Sybaılas jemqorlyqqa qarsy qyzmeti basshylardyń derbes jaýapkershiligi týraly tapsyrma mindetti túrde iske asyrylatyndyǵyn jetkizdi. Buǵan qosa, atalǵan norma quqyq qorǵaý organdarynda da taratylmaq.

Eske salsaq, Memleket basshysy «Qazaqstan Respýblıkasynyń keıbir zańnamalyq aktilerine memlekettik qyzmet jáne sybaılas jemqorlyqqa qarsy is-qımyl máseleleri boıynsha ózgerister men tolyqtyrýlar engizý týraly» Qazaqstan Respýblıkasynyń Zańyna qol qoıǵan edi.

Bizdiń kanalymyzǵa jazylyńyz:

Bólisińiz:

Avtor:

Aqerke Dáýrenbekqyzy

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Janat Qapalbaeva
Janat Qapalbaeva
954-059

MURAǴAT