Jeltoqsanda aılyq ınflıatsııa 0,7 paıyz bolýy tıis - Erbolat Dosaev
2021 jylǵy 9 jeltoqsan 10:05

Jeltoqsanda aılyq ınflıatsııa 0,7 paıyz bolýy tıis - Erbolat Dosaev

NUR-SULTAN. QazAqparat – Jeltoqsanda aılyq ınflıatsııa 0,7 bolýy tıis. Bul týraly búgin Úkimet otyrysynda QR Ulttyq bank tóraǵasy Erbolat Dosaev aıtty, dep habarlaıdy QazAqparat tilshisi.

«Memleket basshysynyń ınflıatsııany osy jyldyń sońyna taman 8,5 paıyzǵa deıin tómendetý jónindegi tapsyrmasyn iske asyrý nátıjesinde qarashada baǵanyń jyldyq ósimi 8,9 paıyzdan 8,7 paıyzǵa deıin baıaýlady. Osyny eskersek, jeltoqsanda aılyq ınflıatsııa 0,7 paıyz bolýy tıis. Bul rette ortasha kórsetkish 5 jyl ishinde 0,8 paıyzdy qurady», - dedi Erbolat Dosaev.

Aıta keteıik, qarashanyń qorytyndysynda jyldyq ınflıatsııa 8 aıda alǵash ret azyq-túlik ınflıatsııasynyń 11,3-ten 10,9 paıyzǵa deıin, sondaı-aq aqyly qyzmetterdiń 6,9-dan 6,4 paıyzǵa deıin tejelýi aıasynda 8,9-dan 8,7 paıyzǵa deıin baıaýlady.

Qarashada aılyq ınflıatsııa 0,7 paıyz boldy jáne 5 jyl ishinde ortasha mánnen tómen qalyptasty.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT