+7 (701) 759 90 19
USD 426.32 EUR 496.24
RUB 6.04 CNY 66.74
Jańalyqtar

Jeltoqsan qaharmandarynyń erligi oqýlyqtarda jetkilikti jazylýy kerek - Qazybek Isa

2021 jylǵy 8 qyrkúıek 13:10
Bólisińiz:
Jeltoqsan qaharmandarynyń erligi oqýlyqtarda jetkilikti jazylýy kerek - Qazybek Isa

NUR-SULTAN. QazAqparat – Májilistiń jalpy otyrysynda depýtat Qazybek Isa Jeltoqsan qaharmandaryna arnalǵan alańdar ashylyp, monýmentter ornatylýy tıis ekenin aıtty, dep habarlaıdy QazAqparat tilshisi.

Uqsas jańalyqtar
Nyǵmatýlın: Májilis Adam quqyqtary jónindegi ýákil týraly zań jobalarymen jumys júrgizýde Alakól jaǵalaýyndaǵy ınternet jumysyn jaqsartý qajet – senator Senatta Kaspıı teńizin lastanýdan qorǵaý týraly hattama ratıfıkatsııalandy

1986 jyly álemdik alpaýytqa aınalyp turǵan qaharly Keńes ımperııasynan teńdik surap, Azattyq úshin alańǵa shyqqan kóteriliske bıyl - 35 jyl. Jetpis jyldyq tas buǵaý da jigerin jasyta almaǵan, ulttyq namysyn tunshyqtyra almaǵan qazaq jastary alańǵa shyqqan kún - Táýelsiz el úshin eń qasterli kúnderdiń biri bolýy tıis! Qazaq jastary qylyshynan qan tamǵan keńes ımperııasy kezinde alańǵa jan nemese nan úshin shyqqan joq, namys úshin shyqty! Pul surap shyqqan joq, Til surap shyqty! Joǵalyp bara jatqan Ulttyq Rýhtyń alańǵa shyqqan attany edi bul! Qazaq jastary qyzyl qanyn tógip júrip, Qyzyl ımperııadan talap etken Ult múddesi qazir Táýelsiz Qazaq elinde qorǵalyp jatyr ma? Eń bastysy,Táýelsizdik jolynda qurban bolǵan Jeltoqsan qaharmandarynyń qazirgi jaǵdaıy qalaı? Jeltoqsan kóterilisiniń Táýelsiz el tarıhyndaǵy zor mańyzyn Qazaqstan Prezıdenti Qasym-Jomart Toqaev «Táýelsizdik bárinen qymbat» atty maqalasynda aıqyn kórsetip berdi», - dedi Qazybek Isa Premer-Mınıstrdiń orynbasary Eraly Toǵjanovtyń atyna joldaǵan saýalynda.

Onyń aıtýynsha, myńdaǵan jastardyń aıaýsyz jazalanyp, qýdalanýy da, bul jaı oqıǵa emes, naǵyz kóterilis bolǵandyǵynyń aıqyn belgisi.

«Endeshe, Keńes Odaǵynyń qyzyl ımperııasyna qarsy shyqqan Jeltoqsan kóterilisin nege ult azattyq kóterilisi retinde tanymaımyz?! Almatydaǵy Jeltoqsan kóterilisinen keıin bolǵan, qazaq jastarynyń qaharmandyǵynan qýat alǵan Baký, Tbılısı, Vılnıýs qalalaryndaǵy oqıǵalarǵa óz elderinde ult azattyq kóterilis retinde zańdy baǵa berilip, ıÝNESKO deńgeıinde moıyndaldy. El táýelsizdigi jolyndaǵy naǵyz kóteriliste mert bolǵan Lázzat Asanova, Erbol Sypataev, Sábıra Muhamedjanovalarǵa nege «Halyq Qaharmany» ataǵyn bermeske?», - dedi depýtat.

Osy oraıda ol «Aq jol» fraktsııasynyń usynystaryn jarııalady:

1. 1986 jylǵy 17-18 jeltoqsandaǵy Keńestik qyzyl ımperııaǵa qarsy shyqqan Jeltoqsan kóterilisi – ult azattyq kóterilis retinde tanylyp, baǵalanýy qajet. Jeltoqsandyqtarǵa «Jeltoqsan kóterilisine qatysýshy» quqyqtyq mártebesi berilýi kerek.

2. Qazaqstan Prezıdenti Q.Toqaev elimizdegi aıryqsha ataýly kúnder qatarynda ataǵan Jeltoqsan kóterilisiniń 35 jyldyǵy resmı deńgeıde atap ótilýi kerek.

3. Jappaı saıası qýǵyn-súrginder qurbandaryn aqtaý týraly zańǵa Jeltoqsan kóterilisine qatysýshylardy qoldap, kótermeleıtin arnaıy ózgeris engizilýi kerek.

4. Jeltoqsan kóterilisine qatysyp, oqýdan, jumystan shyǵyp qalǵanyn áli rastaı almaı júrgen azamattardy «Jeltoqsan kóterilisine qatysýshy» retinde tanýda qoldan jasalǵan qaptaǵan kedergilerdi joıyp, anyqtama alýdy jeńildetý kerek.

«Azattyqtyń alǵashqy qarlyǵashtary – Jeltoqsan qaharmandarynyń azamattyq erligi laıyqty baǵasyn alyp, josparly túrde nasıhattalýy tıis. Jastarymyzǵa patrıottyq tárbıe berý úshin oqýlyqtarda jetkilikti jazylýy qajet. Qazaqstan qalalarynda Jeltoqsan qaharmandaryna arnalǵan alańdar ashylyp, monýmentter ornatylýy tıis», - dedi Qazybek Isa.


Bizdiń kanalymyzǵa jazylyńyz:

Bólisińiz:

Avtor:

Rýslan Ǵabbasov

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT