Jeltoqsan aıynda Qazaqstanda aýa raıy qandaı bolady
NUR-SULTAN. QazAqparat - Jeltoqsan aıynda aýa temperatýrasy QR ońtústik jartysynda norma shamasynda bolady, dep habarlaıdy QazAqparat «Qazgıdromet» RMK baspasóz qyzmetine silteme jasap.
Elimizdiń soltústik jartysy men batysynda aýa temperatýrasy normadan 1° joǵary.
Jaýyn-shashyn mólsheri respýblıkanyń basym bóliginde norma shamasynda, ońtústik-batys jartysynda normadan az, elimizdiń shyǵys jartysynda jáne qıyr soltústik-batysynda normadan kóp dep boljanyp otyr.
Aıdyń basynda Skandınavııa aýdandarynan soltústik-batys tsıklonymen baılanysty atmosferalyq fronttar turaqsyz aýa raıyn anyqtaıdy.
Aldymen batysta, sodan keıin QR qalǵan aýmaǵyna yqpalyn tıgizedi.
Jaýyn-shashyn jaýady, kóbine qar túrinde, ońtústik aımaqtarda jańbyr sońy qarǵa ulasady.
Aıdyń ortasynda eldiń ońtústik-shyǵys jartysynyń taýly jáne taý bókterindegi aýdandarynda qatty jaýyn-shashyn jaýady.
Sondaı-aq turaqsyz aýa-raıy jeldiń kúsheıýi 15-23 m/s, boran, tuman jáne kóktaıǵaq qubylystary boljanady.
Jeltoqsannyń alǵashqy kúnderinde elimizdiń basym bóligindegi turǵyndardy jyly aýa raıy qýantady:
soltústik jartysynda aýa temperatýrasy túnde -10-18°S-tan 0,-8°S-qa deıin, kúndiz -3-8°S-tan -5+5°S-qa deıin joǵarylaıdy;
respýblıkamyzdyń ońtústiginde túnde -2+8°S deıin, kúndiz +10+18°S deıin.
Batys óńirlerde, kerisinshe, aýa temperatýrasy túnde 0,-8°S, kúndiz 0,+7°S-qa deıin tómendeıdi dep kútilýde.
Birinshi onkúndiktiń ortasynan bastap Barents teńizi aýdandarynan soltústik-batys antıtsıklonnyń basyp kirýimen aýa temperatýrasynyń tómendeýi boljanady:
batysta, soltústik-batysta túnde -7-15°S-qa deıin, kúndiz -5-11°S-qa deıin;
soltústikte, ortalyqta, shyǵysta túnde -18-26°S-qa deıin, kúndiz -10-18°S-qa deıin;
ońtústik-batysta túnde 0,-5°S-qa deıin, kúndiz +2+7°S-qa deıin;
Birinshi onkúndiktiń sońynda ońtústikte, ońtústik-shyǵysta túnde -5-13°S-qa deıin,kúndiz 0,-5°S-qa deıin;
Birinshi onkúndiktiń sońynda jáne ekinshi onkúndiktiń basynda Jerorta teńiziniń shyǵys jaǵalaýyndaǵy aýdandardan jyly aýa massalarynyń kezekti shyǵarylýymen aıaz álsireıdi.
Respýblıkanyń soltústik, shyǵys jáne ortalyq aımaqtarynda jeltoqsannyń úshinshi onkúndiginde túnde -27-35°S-qa deıin, kúndiz -18-25°S-qa deıin qarqyndy sýyq tolqyndary qaıtady.
Qazaqstannyń batys jáne ońtústik óńirlerinde aýa temperatýrasy túnde -5-15°S-tan 0,-5°S-qa deıin, kúndiz 0,-10°S-tan 0,+5°S-qa deıin aýytqıdy dep boljanady.
Aıdyń ortasynda ońtústik jáne ońtústik-shyǵys aımaqtardyń turǵyndaryn jyly aýa raıy kútedi.
Kúndizgi aýa temperatýrasy +10°S-qa deıin boljanady.
Aıdyń ekinshi jáne úshinshi onkúndikterinde qarly boran men jel QR soltústik jartysynda jáne taý bókterinde kúsheıedi.
