+7 (701) 759 90 19
USD 380.19 EUR 419.01
RUB 6.08 CNY 54.81
Jańalyqtar

Jeltoqsan aıynda «Astana opera» kórermenge qandaı týyndylardy usynady

2019 jylǵy 1 jeltoqsan 12:01
Bólisińiz:
Jeltoqsan aıynda «Astana opera» kórermenge qandaı týyndylardy usynady

NUR-SULTAN. QazAqparat - Jeltoqsan aıynda «Astana opera» kameralyq zalynda kórermenderge merekelik kontsert baǵdarlamalary, eresekter men balalarǵa arnalǵan qoıylymdar, otandyq jáne sheteldik kompozıtorlardyń týyndylary usynylady, dep habarlaıdy QazAqparat.

Uqsas jańalyqtar
Almaty ákimi teatrdy týrıster úshin qalaı tartymdy etý kerektigin aıtty Nursultan Nazarbaev «Tyraýlap ushqan tyrnalar» spektakline bardy Búgin Nur-Sultanda «Farıza» spektakli bolmaı qaldy

1 jeltoqsan, Tuńǵysh Prezıdent kúni, saǵat 15.00-de «Eli súıgen, elin súıgen Elbasy!» merekelik kontsertinde Qazaqstan halyqtarynyń ánderi, klassık kompozıtorlardyń týyndylary men Elbasynyń súıikti ánderi shyrqalady. Bul kúni «Astana operanyń» jetekshi solısteri, qazaqstandyq opera óneriniń juldyzdary Qazaqstannyń eńbek sińirgen qaıratkerleri Saltanat Ahmetova (soprano), Dına Hamzına (metstso-soprano), Janat Shybyqbaev (barıton), teatr solısteri Galına Cheplakova (soprano), Ramzat Balakıshıev (tenor), sonymen qatar aspapshylar Danııar Kadralınov (vıolonchel), Elena Sahno (fortepıano) tyńdarman qaýymǵa óz ónerlerin pash etpek. Júrgizýshi – Sáýle Máýletova.

11 jeltoqsan saǵat 19.00-de uly nemis klassıgi Lıýdvıg van Bethovenniń 250 jyldyǵyna arnalǵan mýzykalyq kesh «FORTE-TRIO shaqyrady» toptamasynyń kontsertter serııasyn jalǵastyrady. Qazaqstan Respýblıkasynyń «FORTE-TRIO» memlekettik trıosynyń quramynda mýzykanttar – halyqaralyq baıqaýlardyń laýreattary Dınara Bazarbaeva-Sahaman (skrıpka), Murat Narbekov (vıolonchel), ujymnyń kórkemdik jetekshisi – Qazaqstannyń eńbek sińirgen qaıratkeri Tımýr Ýrmancheev (fortepıano) bar. Baǵdarlamaǵa L. van Bethovenniń Fortepıanoǵa arnalǵan №4 trıo, sı-bemol major, op.11, Vıolonchel men fortepıanoǵa arnalǵan №3 sonata, lıa major, op.69, Skrıpka men fortepıanoǵa arnalǵan №8 sonata, sol major, op.30 engen.

15 jeltoqsan saǵat 12.00-de qazaqstandyq sazger Tileýǵazy Beısembektiń «Samuryq kelgen tań» mýzykalyq ertegisi sahnalanady. Jas kórermenderge sıqyrly Samuryq qusyn izdep, jolǵa shyqqan Aıdar men Aıjannyń bastan keshken oqıǵalary baıandalady. Erteginiń erjúrek keıipkerleri men olardyń adal dostaryn ǵajaıyp «Máńgilik eli» kútedi.

Kórermenderge ertegi qaharmandaryn «Astana Opera» solısteri tanystyrady: Áje – Gúljanat Sapaqova, Qasqyr – Baqtııar Omarov, Túlki – Ásem Sembına, Aıý – Shyńǵys Rasylhan, Barys – Ramzat Balakıshıev, Kóktem – Nazym Saǵyntaı, Samuryq qus – Mádına Islamova. Jas keıipkerler Aıdar men Aıjannyń beınesinde sahna tórine teatrdyń balalar stýdııasynyń ártisteri Baqtııar Qanat pen Ásel Qaldybaeva shyǵady. Qoıýshy rejısser – Erenbaq Toıkenov.

16 jeltoqsan kúni saǵat 17.00-de Qazaqstannyń Táýelsizdik kúnine arnalǵan «Elim meniń ańsaǵan...» merekelik kontserti ótedi. Jastar jylynyń sońynda «Astana opera» kameralyq zalynyń sahnasyna jaqynda ǵana kórnekti baıqaýlardyń laýreaty atanyp, halyqaralyq shyǵarmashylyq jobalarǵa jetistikpen qatysqan jas mýzykanttar shyqpaq. Mýzykalyq klassıkanyń jarqyn shyǵarmalary halyqaralyq baıqaýlardyń laýreattary: Ásem Sembına, Nazym Saǵyntaı, Nargız Satmuhambetova (soprano), Darıǵa Musaeva (metstso-soprano), Batyrjan Smaqov (kontrtenor), Ramzat Balakıshıev, Aqylbek Tabynbaev, Almat Іzbambetov, Bekzat Turǵanbek (tenorlar), Azat Málik (barıton), Jandos Muhamedıdiń (skrıpka) oryndaýynda shyrqalmaq. Fortepıano partııasynda – halyqaralyq baıqaýlardyń laýreaty Raýshan Beskembırova, júrgizýshiler – Sáýle Máýletova men Dýman Bekbergenov. Keń aýqymdy baǵdarlamada qazaqstandyq jáne sheteldik kompozıtorlardyń kameralyq shyǵarmalary, otandyq avtorlardyń ánderi, tanymal klassıkalyq arııalar men dýetter usynylady.

21 jeltoqsan saǵat 17.00-de Jastar jyly aıasynda tyńdarman qaýym nazaryna jas daryndardy qoldaý men damytýǵa baǵyttalǵan «Skrıpkadan tógilgen mahabbat áýenderi» kontserti usynylmaq. «Jastar – el tiregi» toptamasynda óz shyǵarmashylyǵymen el mádenıetin shetelde tanytyp júrgen kórnekti qazaqstandyq mýzykanttar óner kórsetýde. Osy keshte «Astana opera» kameralyq zaly sahnasyna Qazaq ulttyq óner ýnıversıtetiniń stýdentteri Jibek Musyrǵalıeva men Indıra Nurlybaı (Qazaqstannyń eńbek sińirgen qaıratkeri, professor Raısa Musaqojaevanyń synyby) shyǵady. Fortepıano partııasynda – Qazaqstannyń eńbek sińirgen qaıratkeri Sara Asabaeva. Ónersúıer qaýym nazaryna ulttyq ári sheteldik klassıkter – Ǵ.Jubanova, E.Rahmadıev, S.Rahmanınov, S.Prokofev, D.Shostakovıch, I.Fleısher, E.Shosson, M.Ravel, E.Izaı, F.Kreısler jáne t.b. shyǵarmalary usynylady.

24 jeltoqsan saǵat 19.00-de «PICCOLO» kameralyq teatry jobasy aıasynda Djoakkıno Rossınıdiń «Jibek saty» bir bólimdi fars-operasy usynylady. Djýlııa partııasynda «Qurmet» ordeniniń kavaleri Aızada Qaponova debıýt jasaıdy, Dorvıl – Qazaqstannyń eńbek sińirgen qaıratkeri Jan Tapın, Djermano – Qazaqstannyń eńbek sińirgen qaıratkeri, QR Memlekettik syılyǵynyń laýreaty Súndet Baıǵojın, Blanzak – Erjan Saıpov, Lıýchılla – Tatıana Vıtsınskaıa, Dormont – Ramzat Balakıshıev, «Astana Opera» Kameralyq orkestri, klavesın partııasynda – Elena Sahno, Janar Ahmetova.

P.Gavonyń attas operasy úshin jazylǵan F.Planardyń lıbrettosy negizindegi lıbretto avtory – Dj.Foppa (1808). Qoıýshy dırıjer – Qazaqstannyń eńbek sińirgen qaıratkeri Abzal Muhıtdın, qoıýshy rejısser – Alla Sımonıshvılı, stsenograf ári kostıýmder boıynsha sýretshi – Manana Gýnıa.

25 jeltoqsan saǵat 19.00-de «Astana opera» Mármár zalynda rojdestvoǵa oraı kontsert ótedi, teatrdyń solısteri, hory men sımfonııalyq orkestri G.F.Gendeldiń áıgili «Messııa» oratorııasyn oryndaıdy. Rojdestvolyq keremet týyndy alǵash ret teatrdyń kishi Mármár zalynda shyrqalady.

Ejelgi dástúrge sáıkes, ǵasyrlar boıy barokko dáýirindegi uly kompozıtordyń týyndysy rojdestvo merekesinde júrekterdi biriktire otyryp, kúlli álemde oryndalady. Tipti bizdiń HH ǵasyrda da osy ǵajaıyp mýzyka sol qalpynda shyrqalyp, adamdardy rýhanı tazalyqqa, eń joǵarǵy murattarǵa shaqyrady.

Soprano – Bashqurtstannyń eńbek sińirgen ártisi Alfııa Karımova, Alt – Saltanat Muratbekova, Tenor – Ramzat Balakıshıev (debıýt), Bas – Armenııanyń Halyq ártisi Barseg Týmanıan. Dırıjer – Qazaqstannyń eńbek sińirgen qaıratkeri Abzal Muhıtdın, bas hormeıster – Qazaqstannyń eńbek sińirgen qaıratkeri Erjan Dáýitov.

Bizdiń kanalymyzǵa jazylyńyz:

Basty sózder: Nur-Sultan, Mádenıet,
Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Erbol Janat
Erbol Janat
954-059

MURAǴAT