+7 (701) 759 90 19 Lenta
USD 386.70 EUR 427.15
RUB 6.06 CNY 54.57
Jańalyqtar

Jeltoqsan aıyna deıin tórt oblysta alaman aıtys ótedi

2019 jylǵy 12 qyrkúıek 11:38
Bólisińiz:
Jeltoqsan aıyna deıin tórt oblysta alaman aıtys ótedi

ALMATY. QazAqparat- «Nur Otan» partııasynyń qoldaýymen ótetin aıtys «Qazaqstan» telearnasynan kórsetiledi, dep habarlaıdy QazAqparat tilshisi.

Uqsas jańalyqtar
Atyraýda ótken alaman aıtysta oraldyq aqyn bas júldeni jeńip aldy Atyraýda respýblıkalyq aqyndar aıtysy ótip jatyr Qaraǵandydaǵy halyqaralyq aıtysqa 4 el aqyndary qatysady

«Nur Otan» partııasy, «Qazaqstan» RTRK jáne «Aıtys aqyndary men jyrshy, termeshilerdiń halyqaralyq odaǵy» respýblıkalyq qoǵamdyq birlestigi ózara yntymaqtastyq týraly memorandýmǵa qol qoıdy. Úshjaqty kelisimge sáıkes, jyl sońyna deıin «Nur Otan» partııasynyń qoldaýymen elimizdiń birneshe aımaǵynda ótetin barlyq aıtysty «Qazaqstan» telearnasyna aqparattyq súıemeldeýge, ıaǵnı, sóz alamanyn túsirýge jáne efırge shyǵarýǵa quqyq beredi» dep jazdy partııanyń baspasóz qyzmeti.

Partııa Tóraǵasynyń Birinshi orynbasary Baýyrjan Baıbek buǵan deıin óziniń Instagram paraqshasynda «Nur Otan» partııasynyń doktrınasynda qazaq tilin, mádenıeti men salt-dástúrin damytý qoǵamdyq birlestiktiń strategııalyq basym baǵyttarynyń biri ekeni týraly aıtqan. Osy oraıda, «Nur Otan» daryndy shyǵarmashyl jastardy qoldaı otyryp, tól ónerimiz ben ulttyq sport túrlerine udaıy qamqorlyq jasap keledi.

«Táýelsizdiktiń alǵashqy sátinen-aq Elbasy ultymyzdyń uly murasyn, ozyq dástúrleri men mádenı qazynasyn túgendeýge, olardy zamanǵa saı túletip, jańǵyrtýǵa erekshe den qoıdy. Halyq óneriniń órkendeýine jaǵdaı jasap, daryndy jandarǵa jol ashty. Elbasynyń tikeleı bastamasymen iske asyrylǵan «Mádenı mura» jobasynda, «Bolashaqqa baǵdar: rýhanı jańǵyrý», «Uly Dalanyń jeti qyry» baǵdarlamalyq maqalalarynda da ulttyq rýhanı muramyzdy, qundy jádigerlerimizdi, sporttyq oıyndarymyz ben óner saıystaryn túgendep, damytýǵa erekshe mán berilgen. Ejelden «Bas kespek bolsa da, til kespek joq» dep, han aldynda dat aıtyp, erkin oıǵa erik bergen, barshaǵa birdeı teńdik bergen elmiz. Sondyqtan ultymyzdyń osyndaı ozyq ónerin, izgi dástúrlerin jalǵastyrý bizdi kemeldendire túsedi. Osyǵan oraı, partııa Tóraǵasynyń bastamasymen qaıta jańǵyrýǵa kirisip, ekinshi tynysy ashylyp otyrǵan saıası uıymymyz aıtysqa aıryqsha nazar aýdaryp otyr» dep jazdy Baýyrjan Baıbek.

Sondaı-aq, partııanyń baspasóz qyzmeti, aıtys ótetin óńirlerdi jazdy.

12-13 qyrkúıekte Atyraý qalasynda Farıza Ońǵarsynovany eske alýǵa arnalǵan «Jyr juldyzy – Farıza» atty respýblıkalyq aıtys ótedi. Aıtys dese arqasy qozatyn kópshilik aldynda belgili aıtyskerler óner kórsetedi.

18-19 qyrkúıekte Qaraǵandyda Sáken Seıfýllınniń 125 jyldyǵyna arnalǵan halyqaralyq aıtys bolady. Bul alamanǵa jergilikti aıtyskerlerden bólek Qyrǵyzstan, Qytaı jáne Mońǵolııa elderinen kelgen sýyryp salma sóz maıtalmandary qatysady.

30 qyrkúıekte Almatyda «Otan otbasynan bastalady» atty otbasylyq aıtys, al 19 qazanda Nur-Sultan qalasynda «Bereke birligińde, elim» degen atpen taǵy bir alaman ótpek.

Bıyl ótetin jyr báıgelerin Oral qalasynda 7-8 jeltoqsanda ótetin «Altyn dombyra» respýblıkalyq festıvali túıindeıdi.


Bizdiń kanalymyzǵa jazylyńyz:

Bólisińiz:

Avtor:

Alma Muqanova

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Janıbek Amangeldı
Janıbek Amangeldı
954-059

MURAǴAT