Jelide taraǵan bala men sarbazdyń sýreti Shymkentte túsirilgen
2022 jylǵy 13 qańtar 19:24

Jelide taraǵan bala men sarbazdyń sýreti Shymkentte túsirilgen

ShYMKENT. QazAqparat - El ishinde jappaı tártipsizdik ornaǵan kezinde áskerı qyzmetshiniń qolyn alyp turǵan balanyń fotosy kópshilikti eljiretti. Búgin sol sýrettegi sarbazdyń kim ekeni anyqtaldy, dep habarlaıdy QazAqparat tilshisi.

Fotodaǵy keıipker - Ulttyq ulan «Ońtústik» óńirlik qolbasshylyǵyna qarasty 6698 áskerı bóliminde qyzmet etetin efreıtor Shahrýh Hasanov bolyp shyqty. Ol 4 qańtarda dabyl belgisimen qyzmetke kelgen. Sodan Shymkent qalalyq ákimdiginiń mańyna qoǵamdyq tártip pen qaýipsizdikti qamtamasyz etýge shyqqan.

«Sýret 7 qańtarda túsirildi. Ákimdik aldyndaǵy alańda qyzmet atqaryp turǵanymda bir kishkentaı balaqaı júgirip kelip, sálem berdi. Balanyń qolyn alyp, basynan sıpap, ákesine qaraı jiberdim», - deıdi Shahrýh Hasanov.

Al osy sátti sol mańaıda túsirilim jasap júrgen «Otyrar tv» jýrnalısteri fotoǵa túsirip alǵan. Jeli arqyly taraǵan sýrettiń búginde anımatsııalyq beınesi de jasalyp, áleýmettik toptarda keńinen taralyp jatyr.


Jańalyqtar

MURAǴAT