+7 (701) 759 90 19
USD 384.97 EUR 427.12
RUB 6.04 CNY 54.75
Jańalyqtar

Jekelegen azamattardyń «Meniń álipbıim qabyldanady» deýi qate pikir – Nurǵısa Dáýeshov

2019 jylǵy 15 qarasha 11:58
Bólisińiz:
Jekelegen azamattardyń «Meniń álipbıim qabyldanady» deýi qate pikir – Nurǵısa Dáýeshov

NUR-SULTAN. QazAqparat –Jekelegen azamattardyń «Qazaq tili álipbıin latyn grafıkasyna kóshirýde meniń nusqam bekitiledi» dep jar salýy qate pikir. Bul týraly QR Mádenıet jáne sport vıtse-mınıstri Nurǵısa Dáýeshov aıtty, dep habarlaıdy QazAqparat tilshisi.

Uqsas jańalyqtar
Bilim mınıstri jańa álipbıde jazylǵan oqýlyqtar qashan shyǵarylatynyn aıtty Aqyndar adaldyq pen patrıotızmdi jyrlady - Kókshetaý Japonııanyń ózi latyn grafıkasyn qoldanady – ǵalym

«Qazaq tili álipbıin latyn grafıkasyna kóshirý jumystary Qazaqstan Respýblıkasynyń Tuńǵysh Prezıdenti – Elbasy Nursultan Nazarbaevtyń «Bolashaqqa baǵdar: rýhanı jańǵyrý» baǵdarlamalyq maqalasy aıasynda jarııalanyp, qarqyndy jumystar júrgizilgen bolatyn. Ózderińizge belgili, sol ýaqyttan beri latyn grafıkasyna kóshirý boıynsha birqatar jumystar atqaryldy. QR Úkimetiniń janynan Ulttyq komıssııa, tıisti vedomstvolardyń janynan olardyń jumys toptary qurylyp, jańa álipbı men emle erejeleri zerdelenýde. Jańa álipbıge kóshý máselesiniń jalpy jurtshylyq tarapynan qyzý talqyǵa túsýi de máseleniń ózektiligin aıqyndap otyr», - dedi «Jańa álipbı: emle, ádisteme jáne halyqaralyq tájirıbe» taqyrybyndaǵy respýblıkalyq konferentsııa jumysyn ashqan vıtse-mınıstr.

Onyń atap ótýinshe, búgingi uıymdastyrylyp otyrǵan konferentsııa osy jumystardy ortaǵa salyp zerdeleýge, aldaǵy ýaqytta atqarylýy tıis mindetterdi talqylaýǵa múmkindik beretin alań sanalady.


«Osy rette QR Prezıdenti Qasym-Jomart Toqaevtyń osy jylǵy 21 qarashada qoldanystaǵy latyn grafıkasyndaǵy álipbıdi jetildirýdiń qajettigi jónindegi tapsyrmasyn esterińizge sala ketkim keledi. Búgingi shara barysynda da osy tapsyrmalardy basshylyqqa alyp, jumys júrgizýlerińizdi suraımyz. Memleket basshysynyń bergen tapsyrmasyna sáıkes, qazirgi tańda qazaq tilin latyn álipbıine kóshirý máselesinde osyndaı alqaly májilisterdiń ótýi zańdy jáne bul turǵyda sizderden mınıstrlik tarapynan úlken ótinishpen suralatyn másele úlken aqıqatpen qaraýymyz kerek», - dedi ol.

Osy rette vıtse-mınıstr mundaı sharalar barysynda jańa álipbıge qatysty tehnıkalyq jaǵynan, jazý jaǵynan ártúrli máseleler jan-jaqty talqylanatyndyǵyn atap ótti. Qazaqstandaǵy jekelegen azamattardyń óz álipbılerin usynýyna baılanysty olardy qoǵamdyq pikirge salyp, ǵalymdardyń arasynda talqylaý boıynsha jumystar júrgizilip jatqanyn eske saldy.

«Biz úlken tarıhı kezeńde turyz. Tilimizdiń, ultymyzdyń tarıhı kezeńinde turǵannan keıin bul máselege osy eldiń azamaty retinde úlken jaýapkershiliken qaraýymyz kerek dep oılaımyn. Árbir usynylǵan jańa álipbıge ǵalymdar tarapynan naqty, aıqyn, shynaıy baǵa berilgen jaǵdaıda bolashaǵymyzdyń jarqyn bolatyndyǵyna tolyq senemin. Keıbir BAQ-ta jekelegen álipbı qurǵan azamattar: «Meniń álipbıimdi qoldady, bekitedi» degendi aıtýda. Bul qate pikir. Bizge latyn álipbıine kóshýge baılanysty qansha ýaqyt qajet bolsa, sonsha ýaqyt bólinedi», - dedi Nurǵısa Dáýeshov.


Bizdiń kanalymyzǵa jazylyńyz:

Bólisińiz:

Avtor:

Marlan Jıembaı

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059

MURAǴAT