Jeke tulǵalardyń múlki men jerine salynatyn tólemder bir salyqqa biriktirilmek

NUR-SULTAN. QazAqparat – Parlament Májilisinde «Qazaqstan Respýblıkasynyń keıbir zańnamalyq aktilerine salyq salý jáne ınvestıtsııalyq ahýaldy jetildirý máseleleri boıynsha ózgerister men tolyqtyrýlar engizý týraly» zań jobasy tanystyryldy, dep habarlaıdy QazAqparat tilshisi.

Zań jobasynyń negizgi maqsaty - ınvestıtsııalar tartýdy yntalandyrý, bıznes-ortany damytý, salyqtyq ákimshilendirýdi jaqsartý.

Atap aıtqanda, túzetýlerdiń birinshi blogy jeke tulǵalardyń salyq tóleý baǵytyn jaqsartýǵa baǵyttalǵan.

«Jeke tulǵalardyń múlki men jerine salynatyn salyqtardyń salyq elementterin ózgertpeı, bir salyqqa biriktirý usynylady. ıAǵnı, 2 salyq biryńǵaı tólemmen tólenedi. Bul túbirtekterdi toltyrý jáne bank komıssııalaryn tóleý sııaqty shyǵyndardy qysqartýǵa múmkindik beredi», - dedi QR Ulttyq ekonomıka vıtse-mınıstri Mádı Tákıev.

Budan bólek ol kóp páterli turǵyn úılerdiń ıeleri úshin jer salyǵyn alyp tastaý usynylyp otyrǵandyǵyn atap ótti.

«Bul salyq somasynyń mardymsyz bolýyna, esepteýdiń kúrdeliligi jáne ákimshilendirýdiń aıtarlyqtaı shyǵyndaryna baılanysty», - dep túsindirdi vıtse-mınıstr.