+7 (701) 759 90 19
USD 426.39 EUR 504.16
RUB 5.87 CNY 66.28
Jańalyqtar

Jedel járdem shaqyrǵan qazaqstandyqtardyń 10 paıyzy bir saǵattan artyq kútken

2021 jylǵy 5 tamyz 11:10
Bólisińiz:
Jedel járdem shaqyrǵan qazaqstandyqtardyń 10 paıyzy bir saǵattan artyq kútken

NUR-SULTAN. QazAqparat – 2020 jyly eldegi memlekettik qyzmetterdiń sapasyna júrgizilgen qoǵamdyq monıtorıng qorytyndysy jarııalandy, dep habarlaıdy QazAqparat tilshisi.

Oǵan sensek, saýalnama ásirese Shyǵys Qazaqstan, Mańǵystaý jáne Batys Qazaqstan oblystaryndaǵy turǵyndardyń jedel járdem qyzmetiniń sapasyna kóńili tolmaıtynyn kórsetken.

«2020 jyly Qazaqstanda jedel medıtsınalyq járdemniń 330 stansasy jumys istegen. 2019 jyly olardyń sany 318 bolǵan eken. Bir jylda osy 330 stansa 7,5 mln adamǵa qyzmet kórsetken. Bul 2019 jylǵa kórsetkishten 11,2% az. 2020 jyly ár 1000 adamnyń 398-i jedel járdem qyzmetine júginse, 2019 jyly 1000 adamnyń 451-i jedel járdem paıdalanǵan», - dep jazady Energyprom.kz.

Saýalnama jedel járdem qyzmetiniń byltyrǵy jaı-kúıin taldaý úshin jasalǵanyn atap ótý kerek. Memlekettik qyzmet kórsetý sapasyn baǵalaýdyń qoǵamdyq monıtorıngi azamattardyń jedel járdem jumysyna qanaǵattaný kórsetkishi 82,5% degen qorytyndy shyǵarǵan. Kórsetilgen qyzmettiń ortasha baǵasy – 5-4,69 ball.

Eldegi jedel medıtsınalyq kómek kórsetý erejesi boıynsha feldsherlik jáne mamandandyrylǵan brıgadalar naýqasqa jetý ýaqyty dıspetcherden shaqyrtý alǵan sátten bastap 10-60 mınýt arasynda bolýy kerek. Taldaýdyń málimetinde sensek, shaqyrtýlardyń 85,4%-ynda osy ýaqyt shegi saqtalǵan. Al 10,4% jaǵdaıda kútý ýaqyty bir saǵattan asyp ketken. Respondentterdiń 4,2%-y jedel járdemdi qansha kútkenin esine túsire almaǵan.

Saýalnamaǵa qatysýshylardyń arasynda jedel járdemdi 4 saǵat, tipti 5 kún kútýge týra kelgenin aıtqandar da bolypty.

«Respondentterdiń 27,7%-y jedel járdemniń 10 mınýt ishinde, 25,8%-y 15 mınýt tóńireginde, 23,9%-y jarty ishinde, 8% --y bir saǵatta kelgenin ataǵan. Respondentterdiń 94,8%-y jedel járdem brıgadasy naýqasqa qajetti kómek kórsetkenin, 47,4%-y úıde kómek kórsetilgenin, 35,2%-y naýqastyń aýrýhanaǵa túskenin, 13,1%-y naýqasty aýrýhanaǵa jatqyzýdan bas tartylǵanyn, 1,9%-y brıgada qajet kómekti kórsetpeı ketkenin atap ótti», - dep jazady taldaý avtorlary.

Óńirler arasynda Jambyl jáne Aqtóbe oblystary, Nur-Sultan qalasynyń jedel járdem qyzmetine jaǵymdy baǵa berildi.

Eń tómengi ball Shyǵys Qazaqstan, Mańǵystaý jáne Batys Qazaqstan oblystaryna tıesili.


Bizdiń kanalymyzǵa jazylyńyz:

Bólisińiz:

Avtor:

Esimjan Naqtybaı

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT