+7 (701) 759 90 19
USD 383.95 EUR 429.26
RUB 6.16 CNY 55.02
Jańalyqtar

Jedel járdem qyzmetine 800 jańa kólik beriledi

2019 jylǵy 22 shilde 10:58
Bólisińiz:
Jedel járdem qyzmetine 800 jańa kólik beriledi

NUR-SULTAN. QazAqparat - Elordada jedel járdem brıgadalary men statsıonarlyq qabyldaý bólimderiniń arasyndaǵy IV respýblıkalyq jarys bastaldy, dep habarlaıdy QazAqparat tilshisi.

Uqsas jańalyqtar
Mańǵystaýlyqtar 233 myń ret jedel járdem shaqyrǵan Jambylda jedel járdem qyzmeti jandanýda Atyraýda jedel járdem kóligi mashınamen soqtyǵysyp, aýdarylyp qaldy

Jarystyń ashylý saltanatyna QR Densaýlyq saqtaý mınıstri Eljan Birtanov qatysyp, bul shara tek konkýrstyq sıpat almaı, tájirıbe almasyp, biliktilik shyńdaıtyndaı basqosý bolýy tıis ekenin aıtty.

«Mınıstrlik jedel járdem qyzmetin reformalaýǵa úlken mán berip otyr. Ózderińiz bilesizder, eki jyl ishinde saladaǵy standarttar men erejelerdi ózgerttik. Ótken jyl men onyń aldyndaǵy jylǵa qaraǵanda bıyl jedel járdemniń jetý ýaqyty 25 mınýttan 15 mınýtqa qysqardy. Bul halyqaralyq standartqa jaqyn. Jedel járdem ókilderiniń negizgi bóligin bazalyq standarttar boıynsha oqyttyq. Osynyń arqasynda shetin jaǵdaılar azaıyp, jan saqtaý sharalarynyń nátıjesi jaqsardy», - dedi vedomstvo basshysy.



Eljan Birtanovtyń aıtýynsha, salany jetildirý áli de birneshe jylǵa jalǵaspaq.

«Bul reformalar áli jalǵasady. Ol úshin negizgi degen úsh baǵyttty aıqyndap aldyq. Qazirgi tańda jedel járdem qyzmetiniń júktemesi óte tyǵyz. Kóptegen eldermen salystyrǵanda halyqtyń sany men jedel járdem shaqyrý sanynyń ara qatynasy bizde óte joǵary. Tipti bul turǵyda jaǵdaıy bizge uqsas degen Túrkııanyń ózinde bul kórsetkish bizden áldeqaıda tómen. Jedel járdemge medıtsnalyq kómektiń anyqtamalyq qyzmetindeı qaraıtyndar bar. Sol úshin bastapqy medıtsınalyq kómek pen ýchaskelik dárigerlerdiń rólin kótermekpiz. Negizgi aýrýlarmen solar aınalysyp, jedel járdem tek shuǵyl jaǵdaılarda kómekke kelý kerek. ıAǵnı, adamdar kez kelgen jaǵdaı boıynsha jedel járdemge júginýge májbúr bolmaýy kerek. Bıyl birinshi ret jedel járdemge júginýshiler sany azaıyp otyr. Jyl basynda Elbasy jedel járdem qyzmetin tolyqtaı mashınamen jabdyqtaýdy tapsyrǵan bolatyn. Osy jyldan bastap sol tapsyrma aıasynda arnaıy baǵdarlamany iske asyramyz. Eki jyl ishinde jedel járdem ókilderi 800 standartty kólikpen qamtylatyn bolady. Bul kólikterdi otandyq kásiporyndar jetilgen standart boıynsha qurastyryp jatyr. Bul sizderdiń jumystaryńyzdy jeńildetip, qyzmetterińizdiń tıimdiligin arttyrady», - dedi mınıstr.












Foto: Vıktor Fedıýnın

Bizdiń kanalymyzǵa jazylyńyz:

Bólisińiz:

Avtor:

Esimjan Naqtybaı

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT