+7 (701) 759 90 19
USD 428.68 EUR 507.21
RUB 5.57 CNY 64.2
Jańalyqtar

Jedel járdem kóliginsiz qalǵan aýyl turǵyndaryna Almaty oblysynyń ákimdigi jaýap berdi

2020 jylǵy 21 qyrkúıek 18:09
Bólisińiz:
Jedel járdem kóliginsiz qalǵan aýyl turǵyndaryna Almaty oblysynyń ákimdigi jaýap berdi

TALDYQORǴAN. QazAqparat – Almaty oblysynda aýyl turǵyndary jedel járdem kólikteriniń 3 aıdan beri buzylyp turǵanyn jetkizdi, dep habarlaıdy QazAqparat tilshisi.

«Biz Shanhanaı aýyldyq okrýginiń turǵyndarymyz. Okrýgke berilgen jedel járdem kóliginiń jóndeýde turǵanyna úshinshi aıǵa ketti. Úsh-tórt myń halqy bar elge qıyn boldy. Karantın degenińiz mynaý. El qınalyp jatyr. Bizge kómektesýińizdi suraımyz», - dep aýyl turǵyndary áleýmettik jelige vıdeo jarııalady.

Almaty oblystyq Densaýlyq saqtaý basqarmasynyń baspasóz qyzmeti QazAqparat tilshisine bergen resmı jaýabyna sáıkes, jańa jedel járdem kólikteri óńirge 2 kezeńmen jetkiziledi. 1 qazanǵa deıingi alǵashqy kezeńde – 12 kólik, 1 qarashaǵa deıingi ekinshi kezeńde 180 kólik alynbaq.


Kerbulaq aýdanyna 1 qazanǵa deıin 1 jedel járdem kóligi berilgenimen, ol aýdan ortalyǵynan 100 shaqyrym jerde ornalasqan Kóksý aýylyna jebireledi. Al aýdan ortalyǵynan 50 shaqyrym jerde ornalasqan Shanhanaı aýyldyq okrýgine jańa jedel járdem mashınasyn 1 qarashaǵa deıin berý josparlanǵan.

«Jergilikti bıýdjetten emhanalar janyndaǵy 4 sanat boıynsha medıtsınalyq kómek kórsetetin jedel járdem brıgadalaryna 30 birlik avtokólik satyp alýǵa qarjy bólindi. Bıylǵy 1 qazanǵa deıin oblysqa 12 jyljymaly medıtsına kesheni jetkiziledi. Kerbulaq aýdanyna 1 qazanǵa deıin bir jedel járdem kóligi beriledi», - delingen vedomstvo jaýabynda.

Málim etilgendeı, qazirgi ýaqytta oblysta 165 jedel járdem brıgadasy jumys isteıdi. Lızıng boıynsha 105 jedel járdem avtokóligin jetkizý kútilýde.

«Budan basqa, «SaryarqaAvtoProm» JShS men «Samuryq - Qazyna» AQ gýmanıtarlyq kómek aıasynda 18 birlik sanıtarlyq avtokólik berdi.

Bıylǵy 1 qarashaǵa deıin 180 birlik avtokólik satyp alynady. Bul avtoparkti 50% jańartýǵa jáne brıgadalar sanyn 205-ke deıin arttyrýǵa múmkindik beredi», - dedi basqarmadan.


Bizdiń kanalymyzǵa jazylyńyz:

Bólisińiz:

Avtor:

Samal Qabysheva

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT