+7 (701) 759 90 19
USD 411.54 EUR 458.13
RUB 5.84 CNY 57.64
Jańalyqtar

Jedel tólemder júıesin engizý boıynsha normalar retteldi – zań jobasy

2020 jylǵy 18 naýryz 11:14
Bólisińiz:
Jedel tólemder júıesin engizý boıynsha normalar retteldi – zań jobasy

NUR-SULTAN. QazAqparat – Munaı jáne ýran óndirý salasynda ǵylymı zertteýge bólingen shyǵystardyń 1 paıyzy tsıfrlandyrý jobalaryna baǵyttalmaq. Bul týraly Parlament Májilisiniń jalpy otyrysy tsıfrlyq tehnologııalardy retteý týraly zań jobasyn talqylaý kezinde Tsıfrlyq damý, ınnovatsııalar jəne aeroǵarysh ónerkəsibi mınıstri Asqar Jumaǵalıev málim etti, dep habarlaıdy QazAqparat tilshisi.

«Otandyq IT-kompanııalardy damytý úshin memlekettik organdar kásipkerlikpen aınalyspaýy qajet. Osyǵan oraı, tsıfrlyq jobalardy qurý men damytýdaǵy kvazımemlekettik sektor fýnktsııalaryn alyp tastaýdy usynamyz. Budan basqa, munaı jáne ýran óndirý salasynda ǵylymı zertteý jumystaryna bólingen shyǵystardyń 1 paıyzyn tsıfrlandyrý jobalaryna da baǵyttaý usynylady», - dedi A. Jumaǵalıev.

Munymen qosa, venchýrlik qyzmetti yntalandyrý maqsatynda «Jeke venchýrlik ınvestordy» aıqyndaý jónindegi normalardy engizý josparlanýda.

«Osylaısha, osy normalardy engizý 2024 jylǵa qaraı ınnovatsııalyq startap kompanııalar sanyn 450-ge deıin ulǵaıtýǵa múmkindik beredi. Taǵy aıta ketetin jaıt, zań jobasymen elektrondyq ónerkásip salasyndaǵy ýákiletti organ aıqyndalady», - dep naqtylady mınıstr.

Onyń sózine qaraǵanda, zańnamalyq deńgeıde tsıfrlyq aktıv, maınıng, token uǵymdaryn, sondaı-aq blokcheın tehnologııasyn anyqtaý jáne tsıfrlyq aktıvti múlikke jatqyzý usynylady. Sonymen qatar, «Zııatkerlik robot» uǵymyn zańnamalyq aıqyndaý jáne robot ıesiniń jaýapkershiligin bekitý kózdeledi.

«Zań jobasynda jedel tólemder júıesin engizý boıynsha normalar rettelgen. Júıeni qurý - halyqqa, shaǵyn bızneske kez kelgen ýaqytta tez jáne yńǵaıly aqsha aýdarýǵa múmkindik beredi», - dedi Asqar Jumaǵalıev.

Budan buryn habarlanǵandaı, Májilistiń jalpy otyrysynda Qazaqstan Respýblıkasynyń keıbir zańnamalyq aktilerine tsıfrlyq tehnologııalardy retteý máseleleri boıynsha ózgerister men tolyqtyrýlar engizý týraly zań jobasy birinshi oqylymda maquldandy.


Bizdiń kanalymyzǵa jazylyńyz:

Basty sózder: Parlament, Tsıfrlyq Qazaqstan,
Bólisińiz:

Avtor:

Rýslan Ǵabbasov

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059
REDAKTOR
Janıbek Amangeldı
Janıbek Amangeldı
954-059

MURAǴAT