Jańalyqtar  >
  Qoǵam

Jazýshy Marhabat Baıǵut ómirden ozdy

2022 jylǵy 26 qarasha, 23:41
Jazýshy Marhabat Baıǵut ómirden ozdy

ShYMKENT. QazAqparat – Jazýshy, QR Eńbek sińirgen qaıratkeri Marhabat Baıǵut ómirden ozdy. Bul týraly Shymkent qalasy ákiminiń birinshi orynbasary Shyńǵys Muqan óziniń áleýmettik jelidegi paraqshasynda jazdy, dep habarlaıdy QazAqparat tilshisi.

«Sýyt habar jetti. Marhabat Baıǵut aǵamyzdyń saǵaty soǵypty. Baqul bolyńyz, Marhabat aǵa!

Qazaqtyń aıaýly jazýshysy Marhabat Baıǵut aǵamyzben qoshtasý erteń, 27 qarasha saǵat 14:00-de Jumat Shanın atyndaǵy Qazaq drama teatrynda ótedi. Janaza namazy saǵat 15:00-de Baıǵut Baba meshitinde oqylady. Túlkibas aýdany Túrkibasy áýlıe etegindegi Azattyq aýylynyń mazaryna qoıylady», - dep jazdy Shyńǵys Muqan óziniń Facebook-tegi paraqshasynda.

Marhabat Baıǵut 1945 jyly 25 mamyrda Túrkistan oblysy Túlkibas aýdanynda dúnıege kelgen. Uzaq jyldar boıy aýdandyq, oblystyq basylymdarda, oblystyq partııa komıtetinde jaýapty qyzmetter atqarǵan. Jazýshynyń «Shilde», «Náýirzek», «Qorǵansyz júrek», «Sert pen senim» jáne taǵy da basqa kitaptary jaryq kórgen. Onyń shyǵarmalary orys, ýkraın, ózbek, túrik, qaraqalpaq, saha tilderine aýdarylǵan. Sonymen qatar, qalamger V.Shýkshınniń, ıÝ.Pokalchýktiń, Sh.Aıtmatovtyń shyǵarmalaryn, Ý.Irvıngtiń Muhammed paıǵambar týraly kitabyn qazaq tiline aýdarǵan.


Foto: facebook.com/mukan.shynggys
Tegı:
Qoǵam   Shymkent  
Seriktester jańalyqtary

Jańalyqtar