Jaıylymnan mal atyp alyp, elorda bazarynda satqandar ustaldy
2021 jylǵy 29 qarasha 11:45

Jaıylymnan mal atyp alyp, elorda bazarynda satqandar ustaldy

NUR-SULTAN. QazAqparat – Sońǵy 5 jylda elimizde mal urlyǵynyń sany 38,5 paıyzǵa tómendedi. Bul jaıynda QR ІІM resmı ókili Nurdildá Oraz málim etti, dep habarlaıdy QazAqparat tilshisi.

«Pavlodar oblysynda quramynda 15 adam bar qylmystyq top anyqtalyp, 18 mal urlyǵyn jasaǵany dáleldendi. Qaskúnemder aptasyna bir ret sharýa qojalyǵynan 1-2 bastan iri qara maldy urlap, sodan keıin demalys kúnderi Ekibastuz bazarlarynda et satqan. Sondaı-aq Aqmola oblysynda jaıylymda júrgen maldy atyp, Nur-Sultan qalasynyń bazarlarynda et satqan top ustaldy», - dedi resmı ókil ІІM baspasóz alańynda ótken brıfıngte.

Nurdildá Orazdyń dereginshe, qabyldanyp jatqan is-sharalardyń nátıjesinde sońǵy 5 jylda mal urlyǵynyń sany 38,5 paıyzǵa tómendedi. Eger 2016 jyly osyndaı 7 myńnan astam qylmys tirkelgen bolsa, 2020 jyly 2 myńnan aspaıdy. Mundaı úrdis osy jyly da saqtalyp otyr. Mal urlyǵynyń sany 18 paıyzǵa azaıdy.

«Mal urlyǵynan qorǵaný úshin ІІM olardyń ıelerine qarapaıym qaýipsizdik erejelerin saqtaýdy usynady. Atap aıtqanda maldy qaraýsyz qaldyrmaý, menshik ıesi, ákimdik jáne baqtashy arasynda úshjaqty shart jasasý. GPS-trekerlerdi ornata otyryp, asyl tuqymdy maldy baqylaýdyń zamanaýı ádisterin qoldaný kerek. Maldy tańbalaý jáne bırka salý mindetti. Bul ony izdeýge, sondaı-aq mal ıeleriniń daýlaryn sheshýge kómektesedi», - dedi resmı ókil.


Uqsas jańalyqtar

Jańalyqtar

Úrdis

MURAǴAT