Jańalyqtar  >
Jaıyqtyń jaǵasynda turǵan qaıyqta oınap júrgen bala sýǵa batyp ketti
2022 jylǵy 15 tamyz 02:45

Jaıyqtyń jaǵasynda turǵan qaıyqta oınap júrgen bala sýǵa batyp ketti

ATYRAÝ. QazAqparat – Atyraýda jaǵadaǵy qaıyqtyń ústinde oınaǵan bala Jaıyqqa batyp ketti, dep habarlaıdy QazAqparat.

Oblystyq tótenshe jaǵdaılar departamentiniń qoǵammen baılanys tobynan málim etkendeı, oqıǵa keshe, 14 tamyzda keshki mezgilde bolǵan.

«Atyraý qalasyna taıaý ornalasqan Qyzylbalyq aýylynda saǵat 21:00 shamasynda Jaıyq ózeniniń jaǵasynda turǵan qaıyqtyń ústinde oınaǵan bala sýǵa qulaǵan. Balanyń jasy – 7-de. Ony izdestirý jergilikti ýaqytpen saǵat 22:25-te bastaldy», -dep habarlady qoǵammen baılanys tobynan.

Jaıyq ózenine batyp ketken balany izdestirýge departamenttiń 3 súńgýiri men 1 tehnıkasy tartyldy. Bala áli tabylǵan joq.

Bıylǵy jyl basynan beri Atyraý oblysynyń sý aıdyndarynda jyl basynan beri 17 adam sýǵa batyp ketti. Onyń ishinde kámelet jasyna tolmaǵan 6 jasóspirim bar.

Atyraý qalasynda 2, Mahambet aýdanynda 6, Qurmanǵazyda – 3 Jylyoıda – 2, Qyzylqoǵada – 2, Inder aýdanynda 2 adam sýǵa batyp ketken. Sý aıdyndarynda 6 jasóspirim jantásilim etken.

«Bıyl sýǵa túsý maýsymy bastalǵan 1 maýsymynan beri 11 adam, onyń ishinde 5 bala qaza tapty. Departamentke qarasty jedel-qutqarý jasaǵynyń qutqarýshylary sýǵa batqan 6 adamdy qutqaryp qaldy. Onyń ishinde 3 bala bar. Sý aıdyndarynda adam ólimin boldyrmaý maqsatynda tótenshe jaǵdaılar departamenti qyzmetkerleri, polıtseılermen, Atyraý qalalyq jáne aýdandyq ákimdikterdiń ókilderimen birlesip kúndelikti úgit-nasıhat jumystaryn júrgizýde. Profılaktıkalyq is-sharalarǵa 273 adam men 44 avtokólik, júzý quraldary tartylyp otyr», -dep málim etti departamenttiń qoǵammen baılanys toby.

Eske sala ketelik, buǵan deıin Eske sala ketelik, budan buryn Atyraý oblysynda jyl basynan beri 10 adam sýǵa ketkenin habarlaǵan bolatynbyz.



Uqsas jańalyqtar
Seriktester jańalyqtary

Jańalyqtar

Úrdis

MURAǴAT