«Jaıyq Jaryǵy» JShS dırektory 2 jylǵa sottaldy
2022 jylǵy 28 maýsym 11:33

«Jaıyq Jaryǵy» JShS dırektory 2 jylǵa sottaldy

NUR-SULTAN. QazAqparat - Atyraý oblysynda «Jaıyq Jaryǵy» JShS dırektoryna qatysty qylmystyq isti tergeý aıaqtaldy, dep habarlaıdy Qarjy monıtorıngi agenttiginiń baspasóz qyzmeti.

2019 jyly JShS basshysy Atyraý oblysy Qulsary qalasynyń aýmaǵyn jaryqtandyrý úshin 150 mln teńgeden astam somaǵa memlekettik satyp alý boıynsha tenderdiń jeńimpazy bolyp tanyldy.

Alaıda ol zańnama talaptaryn jáne jumystardy memlekettik satyp alý týraly shartpen alynǵan mindetterdi buzyp, rásimdelgen qujattarda kórsetilgen jaryq shamdardy ornatýdyń ornyna, arzan, nashar sapadaǵy jaryq shamdarǵa aýystyryp, senip tapsyrylǵan bóten múlikti iri mólsherde ıelengen. Bul áreketimen memlekettik bıýdjetke 4 mln teńgeden astam zalal keltirgen.

Sot úkimimen atalǵan seriktestik basshysy qylmystyq quqyq buzýshylyqty jasaǵany úshin kináli dep tanylyp, 2 jyl bas bostandyǵynan aıyrý jazasy taǵaıyndaldy.

QK-niń 63-babynyń negizinde taǵaıyndalǵan jaza shartty dep esepteledi.


Uqsas jańalyqtar

Jańalyqtar

Úrdis

MURAǴAT