+7 (701) 759 90 19 Lenta
USD 386.70 EUR 427.15
RUB 6.06 CNY 54.57
Jańalyqtar

Jaıyq ózeninde balyq qyrylýyna qatysty jıi qoıylǵan 10 saýal

2019 jylǵy 11 naýryz 21:07
Bólisińiz:
Jaıyq ózeninde balyq qyrylýyna qatysty  jıi qoıylǵan 10 saýal

ATYRAÝ. QazAqparat - Jaıyq ózenindegi ótken jyldyń jeltoqsanynda bolǵan balyqtardyń jappaı qyrylýyna baılanysty jıi qoıylǵan saýaldarǵa jaýap berilgen vıdeorolık jarııalandy, dep habarlaıdy QazAqparat Atyraý oblysy ákiminiń baspasóz qyzmetine silteme jasap.

Jaıyq ózenindegi balyq ólimine baılanysty jıi qoıylǵan 10 saýal

1. Balyq qashannan bastap qyryldy?

Balyq qyrylýynyń alǵashqy deregi 2 jeltoqsan 2018 jyly tirkelip, 9 jeltoqsan 2018 jylǵa deıin jalǵasty.

2. Qazir balyq ólip jatyr ma?

Joq, qazir balyq ólip jatqan joq, jańa aýlanǵan balyq arasynda óli balyq bolmady.

3. Balyq nege qazir qalqyp shyǵyp jatyr?

Jeltoqsanda ólgen balyq muzǵa jabysyp qalǵan, jylylyq túskesin qalqyp shyǵa bastady.

4. Balyq óleksesin jınaýmen kim aınalysady jáne búginge deıin qansha tonna balyq qyryldy?

Búgingi esep boıynsha jalpy alǵanda 108 tonna balyq jınaldy. Onyń 103 tonnasy eki bekire ósirý zaýytynan, qalǵan 5 tonnasy Jaıyq ózeninen.

5. Jaıyq ózeninen sý synamalary qanshalyqty jıi alynady jáne qandaı synamalar?

Qoǵamdyq densaýlyq saqtaý departamenti, ekologııa departamenti, "Qazgıdromet" mekemesi aptasyna eki ret sý synamasyn alyp otyr. Sý kórsetkishteri normaǵa saı jáne turǵyndar men ózen faýnasyna qaýip týdyrmaıdy.

6. Balyq satý núktelerin kim jáne qalaı qadaǵalaıdy?

Polıtsııa men veterınarlyq qyzmet saýda núktelerin baqylaýda ustap otyr. Balyq tek tıisti qujattarmen satylady, barlyq bazarlarda satyp alǵan balyǵynyń sapasyn teksergisi kelgen ár adamǵa veterınarlyq zerthana tegin qyzmet kórsetedi.

7. Ózen óli balyqtardan qalaı tazartylady?

Tazartý jumystaryna "Arnaýly avtobaza" JShS, oblystyq orman sharýashylyǵy jáne janýarlar dúnıesi aýmaqtyq ınspektsııasynyń qyzmetkerleri, eriktiler tartylǵan. Jaqyn kúnderi, ózendegi muz tolyq erigesin, sý aıdynyn tazartýmen arnaıy jabdyqtary bar balyq aýlaıtyn kooperatıvteri aınalysady.

8. Ózen balyq popýlıatsııasyn ózdiginen qalpyna keltire ala ma?

Mamandardyń aıtýynsha, Jaıyq pen Qıǵash ózenderiniń arnalary arqyly kóktemgi, jazǵy ýaqytta balyqtar ýyldyryq shashady, ol tabıǵı popýlıatsııanyń qalpyna kelýine múmkindik beredi.

9. Balyqtyń osylaı qyrylý oqıǵasy buǵan deıin boldy ma?

Jaıyq ózeninde mundaı jaǵdaı ótken ǵasyrdyń 80 jyldary bolǵan, ol kezde anyqtalmaǵan zattardyń ózenge quıylýy balyq ólimine soqtyrǵan. Sondaı-aq qalyń muz ben qardyń saldarynan balyq qyrylǵan. Ózen kóktemgi ýyldyryq shashý kezinde balyq popýlıatsııasyn qalpyna keltirgen.

10. Oqıǵaǵa kináli kim ekeni qashan aıtylady jáne zalaldy kim óteıdi?

Balyq qyrylý deregi boıynsha eki qylmystyq is qozǵaldy. Qazir tergeý-tekserý jumystary júrýde, kináliler anyqtalatyn bolady. Polıtsııa qyzmetkerleri men veterınarlar balyq ónimderin satý núktelerin qadaǵalaýda ustap otyr. Balyqtan, sýdan ýlaný derekteri tirkelgen joq.

Bizdiń kanalymyzǵa jazylyńyz:

Basty sózder: Atyraý oblysy, Oqıǵa, Vıdeo,
Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT