Jaıyq ózeni memlekettik mańyzdaǵy sý nysandarynyń tizimine alynady
2022 jylǵy 28 qańtar 17:30

Jaıyq ózeni memlekettik mańyzdaǵy sý nysandarynyń tizimine alynady

NUR-SULTAN. QazAqparat – Jaıyq memlekettik mańyzdaǵy sý nysandarynyń tizimine alynady. Bul týraly QR Ekologııa, geologııa jáne tabıǵı resýrstar vıtse-mınıstri Serik Qojanııazov Ortalyq kommýnıkatsııalar qyzmetinde ótken brıfıngide aıtty, habarlaıdy QazAqparat tilshisi.

Brıfıng barysynda BAQ ókili Jaıyq ózeni aıryqsha qorǵalatyn tabıǵı nysan qataryna nege alynbaı kele jatqanyn surady.

«Sý sharýashylyǵy salasynda aıryqsha qorǵalatyn aýmaqtar degen uǵym joq. Ondaı uǵym kóbinese orman sharýashylyǵynda kezdesedi», - dedi mınıstrdiń orynbasary.

Degenmen, Jaıyqty memleket qamqorlyǵyna alý úshin ǵylymı negizdeme jasalyp jatqan kórinedi.

«Jaıyq máselesine kelsek, bizde memlekettik mańyzdaǵy sý nysandarynyń tizbesi bar. Bul tizimdegi ózenderdiń alabynda sharýashylyqtyń aıryqsha rejımi saqtalýy kerek. Qazir biz Jaıyq ózenin memlekettik mańyzy bar sý nysandary tizbesine engizý úshin ǵylymı negizdeme daıyndap jatyrmyz. Sáıkesinshe, memlekettiń bul ózenge degen kózqarasy, qamqorlyǵy da jaqsyraq bolady degen sóz. Mundaı nysanda sharýashylyq ta basqasha júrgiziledi. Osy baǵytta jumys istep jatyrmyz», - dedi Serik Qojanııazov.

Atalmysh sharada vıtse-mınıstr Ózbekstan «Sardoba» sý qoımasynyń kólemin sý qoımasynyń jobalyq syıymdylyǵyn 30 paıyz azaıtqanyn málim etti.


Jańalyqtar

MURAǴAT