+7 (701) 759 90 19
USD 399.51 EUR 447.33
RUB 5.78 CNY 56.10
Jańalyqtar

«Jaınaı ber, óner, jańasha»: Aqtóbede óner ujymdary onlaın kontsert berip jatyr

2020 jylǵy 9 sáýir 02:31
Bólisińiz:
«Jaınaı ber, óner, jańasha»: Aqtóbede óner ujymdary onlaın kontsert berip jatyr

AQTÓBE. QazAqparat – Aqtóbe oblystyq halyq shyǵarmashylyǵy ortalyǵy «Jaınaı ber, óner, jańasha» atty mádenı sharasyn onlaın uıymdastyryp jatyr, dep habarlaıdy QazAqparat tilshisi.

Aqtóbe oblystyq mádenıet basqarmasy onlaın mádenı sharany Naýryz meıramy kúni bastaǵan bolatyn. Keıin oblystyq halyq shyǵarmashylyǵy ortalyǵy ulttyq bolmysty saqtap, qundylyǵymyzdy dáripteýge basa nazar aýdardy. Áleýmettik jeli arqyly tikeleı efır kún saıyn saǵat 11:00 men 18:00-de uıymdastyryldy.

«Respýblıkaǵa tanymal, ulttyq ónerimizdi dáriptep júrgen Jetesovterdiń «Shashý» halyqtyq - otbasylyq ansambliniń jeke kontserti úıde ótti. Belgili jyrshy Ómirhan Jetesov pen ánshi, ansambldiń jetekshisi, «Qurmet» ordeniniń ıegeri Amangúl Eshpanovanyń ónerli shańyraǵy kópke úlgi. Olar ózderiniń balalarynan bólek, 18 ul-qyzdy baýyryna basqan. Óner ujymynyń repertýary baı. Qurmanǵazynyń «Adaı», N.Tilendıevtiń «Ata tolǵaýy», A.Jubanovtyń «Tájik bıi» kúılerin jáne basqa kompozıtorlardyń shyǵarmalaryn naqyshyna keltire oryndap, án saldy. Keıin «Ádep» halyqtyq toby jalǵastyrdy. Tikeleı efırde Qýanyshgúl men Quralaı qazaqtyń qara dombyrasymen halyq ánderin, basqa da kompozıtorlardyń shyǵarmalaryn tartý etti. Kórermen Baǵdat Balmaǵambetova, Nurgúl Ramazanova men Aqtorǵyn Noǵaevanyń oryndaýyndaǵy tamasha ánderdi tyńdady», - dedi oblystyq halyq shyǵarmashylyǵy úıiniń ádiskeri Gúlnar Seıtalına.

«Rıýkzak» halyqtyq bard-klýby men T.Ahtanov atyndaǵy oblystyq drama teatr akteri Áset Sısenov, ánshi Baǵdat Balmaǵambetova men Aslan Muhanbetjan da óz ónerin usyndy. Tikeleı efır kórermender N.Tilendıevtiń «Qustar qaıtyp barady», І.Jaqanovtyń «Jaılaýkól keshteri» jáne de basqa túrli janrdaǵy ánderdi birge shyrqady.

«Jyr jaýhary» dep atalǵan dástúrli onlaın óner merekesine Baıǵanın aýdanynan ákeli-balaly Qural men Imanjúsip Berkalınder jáne aǵamyzdyń shákirti Medet Qalmurat qatysyp, jalǵastyrdy. Olar «Jaıyq degen jandy sý» Aqtannyń termesin, Nurpeıis Baıǵanınniń «Eńbek týraly jyry» sekildi rýhanı-adamgershilikti nasıhattaıtyn termelerin oryndady. Osylaı baıǵanındik ónerpazdar bir saǵat boıy tikeleı efırde kórermenge esten ketpes erekshe kesh syılady. Umyt bolyp bara jatqan kóne mýzykalyq shyǵarmalar oryndalyp, qalyń kórermendi dýmanǵa bóledi. Tikeleı efırde belgili sazger Dabyl Daýrbaevtyń keshi ótti. Keshte kompozıtor óz shyǵarmalaryn qyzy Jansaıamen oryndady. Temir aýdanyndaǵy Shylmýrzınderdiń «Gúlsana», Oıyl aýdanyndaǵy Eshpanovtardyń «Shapaǵat», Yrǵyz aýdanyndaǵy Uzaqbaevtardyń, Hromtaý aýdany Bógetsaı aýylyndaǵy Myrzahmetovtardyń «Or tolqyny» jáne Alǵa aýdanyndaǵy «Aqjol» halyqtyq vokaldyq tobynyń san qyrly ónerine tánti boldy. Efırdi Muǵaljar aýdanynan belgili kúıshi, sazger, ulaǵatty ustaz Balymbet Kúzenbaev jalǵastyrdy. Bul kesh suhbat túrinde ótti. Balymbet aǵamyz tikeleı efır kórermenderine kúıleriniń shyǵý tarıhy týraly baıandap berdi», - dedi Gúlnar Seıtalına.

Halyq shyǵarmashylyǵy ortalyǵy janyndaǵy jas aıtyskerler mektebiniń jetekshisi Marat Ahmetovtyń «Oı tolǵam» aıdarynda belgili aqyn, sazger, aıtys ardagerleri Oralbaı Kámetııa, Saılaýbek Elmanov, Talǵat Tileýlesov, Shynbergen Súleımenov syndy óner tarlandary kórermenderimen tikeleı júzdesti. Sonymen birge aýdandyq mádenıet úıleri men aýyldyq klýbtarda kóptegen úıirmeler men «halyqtyq» (úlgili) ataqtary bar kórkemónerpazdar ujymdary jumys isteıdi. Búginde olar da qashyqtan jumystaryn jalǵastyryp jatyr.


Bizdiń kanalymyzǵa jazylyńyz:

Basty sózder: Aqtóbe oblysy, Mádenıet, Óner,
Bólisińiz:

Avtor:

Altynaı Saǵyndyqova

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059
REDAKTOR
Janıbek Amangeldı
Janıbek Amangeldı
954-059

MURAǴAT