Jańalyqtar  >

Jaýapkershilikten eshkim jaltarmaıdy - Roman Sklıar Ekibastuz apaty jaıly

2022 jylǵy 9 jeltoqsan, 10:56
Jaýapkershilikten eshkim jaltarmaıdy - Roman Sklıar Ekibastuz apaty jaıly

ASTANA. QazAqparat – Qyzmetkerlerdiń qateligi nemese aktsıonerdiń kinási bar ekenin tekseris nátıjesi kórsetedi. Eshkim jaýapkershilikten jaltarmaıdy. Ravlodarnews.kz portalyna suhbat bergen QR Premer-Mınıstriniń birinshi orynbasary Roman Sklıar osylaı málimdedi, dep habarlaıdy QazAqparat tilshisi.

«Monopolısti tutynýshyǵa sapaly qyzmet kórsetýge mindetteıtin zań bar. Máselen, monopolıst óz qyzmetin sebepsiz, qalaǵan ýyqytynda toqtata almaıdy. Eger tarıfter tómen bolsa, ol ony dáleldeýi kerek. Tutynýshy úshin qatelikti kim jibergeni mańyzdy emes. Ol tek qyzmetke aqy tóleıdi. Eger monopolıst tehnıkalyq turǵydan nashar jáne tıisti qyzmetti kórsete almaıtyn bolsa, bul tutynýshynyń emes, onyń máselesi.

Apatqa ne sebep boldy? Qyzmetkerlerdiń qateligi nemese aktsıonerdiń kinási boldy ma – ony tekseris nátıjesi kórsetedi. Men mynany aıtqym keledi: eshkim jaýapkershilikten jaltarmaıdy», - dep atap ótti Roman Sklıar.

Onyń aıtýynsha, apattyń sebebi muqııat tergeýden keıin jarııalanady. Bul oraıda Roman Sklıar eshqandaı aqparattyń jasyryn qalmaıtynyn basa aıtty.

Suhbat aıasynda vıtse-premer Ekibastuzdaǵy apat kezindegi páter ıeleri kooperatıvteriniń kemshiligin aıtty.

Sondaı-aq qaladaǵy jaǵdaı týraly áleýmettik jelilerde taraǵan jalǵan aqparatqa ergenderge qatysty oıyn bildirdi.

Foto Valerııa Býgaeva ı Esenjola Isabek





Uqsas jańalyqtar
Seriktester jańalyqtary

Jańalyqtar