Jańalyqtar  >

Jattyqtyrýshy fıtnestiń qandaı paıdasy bary týraly aıtyp berdi

2022 jylǵy 27 qarasha, 13:58
Jattyqtyrýshy fıtnestiń qandaı paıdasy bary týraly aıtyp berdi

ALMATY. QazAqparat – Fıtnestiń adam denesi men aǵzasyna beretin paıdasy kóp. Bul týraly QazAqparat tilshisine almatylyq fıtnes jattyqtyrýshy Igor Raımbekov áńgimelep berdi.

- Igor, jattyqtyrýshy retinde fıtnes pen onyń paıdasy týraly aıtsańyz.

- Fıtnes degenimiz – adam denesin symbatty qalpynda saqtaýǵa múmkindik beretin fızıkalyq belsendiliktiń bir túri. Fıtnes jattyǵýlar - adam ımmýnıtetin nyǵaıtyp, júrek-tamyr júıesi aýrýlaryn, qant dıabetin aldyn-alýǵa septigin tıgizedi. Sondaı-aq, ol qalpyna keltirý protsesterin belsendendirip, aǵzanyń qartaıýyn baıaýlatady.
- Fıtneske jańadan kelgender qalaı jattyǵý jasaý kerek?
- Fıtneske jańadan kelgender aǵzasyna shamadan tys júkteme túsirmeý kerek. Olar kem degende alǵashqy eki aıda jattyqtyrýshymen jattyǵý jasaý kerek. Sebebi, jattyqtyrýshy olardy jaraqat almaý úshin baǵyt-baǵdarlar kórsetedi. Alamdar fıtnes zalǵa densaýlyǵyn qurtý úshin emes, kútý úshin keledi ǵoı.
- Fıtnespen erler ǵana emes, áıelder men balalardyń da aınalysatynyn bilemiz. Olar úshin fıtnestiń qandaı paıdasy bar?
- Fıtneske kelgen adam qajetti nátıjege qol jetkizý úshin keıbir fızıologııalyq erekshelikterdi eskerýi tıis. Bul rette fıtnestiń erler úshin relef pen kúshke qajetti bulshyqet massasyn jınaýǵa, áıelderge denesin tiktep, symbatty bolýyna, al balalarǵa salaýatty ómir saltyn ustanýǵa paıdasy zor.


- Fıtnespen aınalysatyn adam qalaı tamaqtaný kerek?
- Fıtnespen jattyǵatyn adam durys, balanspen tamaqtanýy kerek. Ol úshin taǵamnyń quramynda talshyq, aqýyz, maı, kómirsý bolý kerek. Kómirsý - adamǵa kúni boıy kúsh-qýat berý úshin qajet. Aqýyz - jaqsy ál-aýqat pen bulshyqet massasyn qalpyna keltirýge qajet. Talshyq - asqazanǵa salmaq salmaý úshin, ıaǵnı, aqýyzdy qorytý úshin kerek. Biraq, men adamdarǵa aqýyzdy proteınge aýystyrýǵa keńes beremin. Sebebi, aǵza úshin aqýyz óte aýyr bolady. Eger asqazan-ishek joldaryna shamadan tys júk tússe, gastrıtke ákelýi múmkin. Sondyqtan aqýyzdyń kóp bóligin proteınge aýystyrýǵa keńes beremin.
- Kimderge fıtnespen aınalysý qajet emes?
- Ortalyq júıke júıesi, tirek-qımyl apparaty aýyratyn, qaterli isigi bar adamdarǵa fıtnespen aınalyspaý kerek.
- Fıtneste jaqsy jetistikke qalaı qol jetkizýge bolady?
- Fıtneste qajyrly eńbekpen ǵana jaqsy nátıjege qol jetkize alasyz. ıAǵnı, adam ózine anyq maqsat qoıyp, oǵan qarsy erinbeı júrýi kerek. Osylaı ǵana fıtneste jaqsy nátıjege qol jetkize alasyz.
- Fıtneste adamdar negizinen qandaı sporttyq quraldarmen jattyǵady?
- Fıtneske jańa kelgen adamdar kóbinese gantel, shtanga, girlermen jumys isteıdi. Burynnan kelip júrgender arnaıy trenajerlarmen de jattyǵady.
- Almatyda kóbinese fıtnespen qaı jastaǵy, qandaı adamdar aınalysady dep oılaısyz?
- Menińshe Almatyda kóbinese 13-45 jas arasyndaǵy erler men jasóspirimder fıtnespen kóp aınalysady. Jalpy, adamdardyń sportpen shuǵyldanǵany durys qoı. Bul bizdiń densaýlyǵymyz ben deni saý ult bolýymyz úshin asa mańyzdy dúnıe dep oılaımyn.
- Suhbatyńyzǵa rahmet.
Uqsas jańalyqtar
Tegı:
Almaty   Sport  
Seriktester jańalyqtary

Jańalyqtar