«Jasyl» energetıka Qaraǵandy oblysynda belsendi damýda
2021 jylǵy 29 qarasha 17:08

«Jasyl» energetıka Qaraǵandy oblysynda belsendi damýda

QARAǴANDY. QazAqparat - Qaraǵandy oblysy balamaly energııa úlesin arttyrýda. Búginde óńirde bes kún elektr stantsııasy, eki bıogaz qondyrǵysy men shaǵyn GES jumys isteıdi. «Jasyl» energetıkanyń jalpy qýaty 200 megavattan asty, dep habarlaıdy QazAqparat oblys ákimdigi saıtyna silteme jasap.

Oblys ákimi Jeńis Qasymbek Ortalyq kommýnıkatsııalar qyzmetinde ótken baspasóz máslıhatynda aldaǵy josparlary týraly aıtyp berdi.

«Jańartylatyn jáne balamaly energetıka óndiretin jańa nysandar belsendi túrde salynyp jatyr. 228 MVt-qa 8 joba iske asyryldy. Balqash mańynda 100 MVt kún elektr stantsııasy salynýda. Saran qalasynda 100 MVt jáne odan joǵary jınaqtaýyshtary bar gıbrıdti kún stantsııasynyń qurylysy josparlanýda», – dep habarlady óńir basshysy.

«Jasyl» energetıka jobalary sheteldik kompanııalardyń qatysýymen júzege asyrylýda. Investıtsııalar 100 mlrd teńgeden asty.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT