+7 (701) 759 90 19
USD 425.75 EUR 499.32
RUB 5.85 CNY 65.88
Jańalyqtar

«Jasyl ekonomıkaǵa» kóshý jónindegi keńes ruqsat etilmegen qoqys úıindileri máselelerin qarady

2021 jylǵy 23 shilde 20:46
Bólisińiz:
«Jasyl ekonomıkaǵa» kóshý jónindegi keńes ruqsat etilmegen qoqys úıindileri máselelerin qarady

NUR-SULTAN. QazAqparat – QR Premer-Mınıstri Asqar Mamın Qazaqstan Respýblıkasy Prezıdentiniń janyndaǵy «Jasyl ekonomıkaǵa» kóshý jónindegi keńes otyrysyn ótkizdi, dep habarlaıdy QR Úkimetiniń baspasóz qyzmeti.

Uqsas jańalyqtar
ShQO turǵynynyń kóliginen zańsyz aýlanǵan 60 keliden astam shaıan tabyldy Qasym-Jomart Toqaev ShQO-daǵy ekologııalyq másele boıynsha tapsyrma berdi Ekologııalyq aktsııa: Qazaqstanda 11 myń tonnadan astam qoqys jınaldy

Memleket basshysy Qasym-Jomart Toqaevtyń bıylǵy 10 shildede Úkimettiń keńeıtilgen otyrysynda berilgen stıhııalyq qoqys oryndaryn joıý jáne jańalarynyń paıda bolýyna jol bermeý týraly tapsyrmasyn iske asyrý barysy qaraldy.

QR ekologııa, geologııa jáne tabıǵı resýrstar mınıstri Maǵzum Myrzaǵalıev bıylǵy 19 shildedegi jaǵdaı boıynsha ǵaryshtyq monıtorıng arqyly 4763 ruqsat etilmegen qaldyq tastaý orny anyqtalǵanyn baıandady. 2021 jyldyń І jartyjyldyǵynyń qorytyndysy boıynsha elimizde 2932 qatty turmystyq qaldyqtar polıgony (QTQ) bar, olardyń 509-y nemese 17,36%-y ekologııalyq jáne sanıtarlyq normalarǵa sáıkes keledi. El aýmaǵynda 191 qoqys shyǵaratyn uıym jumys isteıdi, olardyń teńgeriminde 2 myńnan astam mamandandyrylǵan avtokólik bar.

Bıylǵy 1 shildede kúshine engen jańa Ekologııalyq kodekste birqatar júıeli shara kózdelgen, atap aıtqanda, qoqys shyǵaratyn uıymdardyń qyzmetin retke keltirý jáne baqylaý maqsatynda habarlama jasaý tártibin engizý, sondaı-aq qoqys shyǵaratyn kólikti spýtnıktik navıgatsııalyq júıelermen (GPS) jaraqtandyrý.

Úkimet basshysy jergilikti atqarýshy organdarǵa ekologııalyq jáne sanıtarlyq normalarǵa sáıkes kelmeıtin QTQ polıgondaryn rekýltıvatsııalaýdy nemese olardy belgilengen talaptarǵa sáıkes keltirýdi, sondaı-aq qurylys qaldyqtaryn qaıta óńdeý jáne kómý ınfraqurylymyn qurýdy tapsyrdy.

Jergilikti atqarýshy organdarǵa ǵaryshtyq monıtorıngpen anyqtalǵan barlyq ruqsat etilmegen qoqys oryndaryn joıý, ІІM, EGTRM, AQDM jáne jurtshylyqpen birlesip, tártip buzýshylardy jaýapkershilikke tarta otyryp, stıhııalyq qoqys tastaıtyn jerlerdi anyqtaý boıynsha reıdter júrgizý tapsyryldy. Premer-Mınıstr josyqsyz qoqys úıindilerin tastaıtyn jerlerdi anyqtaý jáne joıý boıynsha iKomek (Nur-Sultan q.) mysalynda óńirlerde koll-ortalyqtar ashý qajettigin atap ótti.

A. Mamın nysandar qurylysyna ruqsat berý kezinde qurylys qaldyqtaryn kádege jaratýdy qarastyrýdy, qurylys qaldyqtaryn QTQ polıgondaryn tyǵyzdaý men rekýltıvatsııalaýda, sondaı-aq negizgi paıdaly qazbalardy óndirýdiń tarıhı oryndaryn rekýltıvatsııalaýda qoldanýdy qaraýdy tapsyrdy.

Úkimet basshysy qurylys qaldyqtaryn jınaý jáne qaıta óńdeý boıynsha memlekettik-jekeshelik áriptestik sheńberinde ınfraqurylym qurýdyń mańyzdylyǵyn atap ótti, bul asa iri jáne qurylys qoqystaryn shyǵarý úshin jaǵdaı jasaıdy.


Bizdiń kanalymyzǵa jazylyńyz:

Bólisińiz:
Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT