Jastardy qoldaýdyń 2021-2025 jyldarǵa arnalǵan keshendi jospary daıyndalýda

NUR-SULTAN. QazAqparat – Qazaqstanda jastardy qoldaýdyń 2021-2025 jyldarǵa arnalǵan keshendi jospary tanystyrylady. Bul týraly Aqparat jáne qoǵamdyq damý vıtse-mınıstri Ashat Oralov málim etti, dep habarlaıdy QazAqparat tilshisi.

Uqsas jańalyqtar

Ashat Sadyrbaı: Saılaýdyń zań aıasynda ótip jatqany qýantady

«Búgingi tańda Aqparat jáne qoǵamdyq damý mınıstrligi múddeli memlekettik organdarmen, sonymen birge jergilikti atqarýshy organdarmen, úkimettik emes uıymdarmen birlesip, jastardy qoldaýdyń 2021-2025 jyldarǵa arnalǵan Keshendi josparynyń jobasyn ázirlep jatyr. Osy jyldyń qarasha nemese jeltoqsan aılarynda Ortalyq kommýnıkatsıalar qyzmetiniń alańynda biz ony tanystyryp, ár pýnktin túsindirsek deımiz. Eń birinshi kezekte jumys baǵdary 2015 jyly qabyldanǵan memlekettik jastar saıasaty týraly zańdy júzege asyrýǵa baǵyttalady. Ol zań jastardy qoldaý men jastar saıasatyn ortalyq jáne aımaqtyq deńgeıde júrgizý boıynsha 10 baǵyttan turady. Eger naqty bir usynystar bolsa jastar isi jónindegi komıtet arqyly ony biz keshendi josparǵa engizýge daıynbyz», - dedi Ashat Oralov onlaın rejımde «Bolashaq» qaýymdastyǵynyń uıymdastyrýymen ótken «Jastar jáne ınnovatsııalar» forýmynda.

Vıtse-mınıstrdiń aıtýynsha, jumys jastardyń jasy boıynsha retteledi. Sebebi QR zańyna sáıkes jastar sanatyna 14-28 jas aralyǵyndaǵy azamattar kiredi.

«Biz mektepterde oqıtyn 14-18 jastaǵy balalarǵa, 18-22 jastaǵy stýdentterge jáne jumys isteıtin 23-28 jastaǵy azamattarǵa arnap aıqyndalǵan sharalardy ázirleımiz. «Bolashaq» qaýymdastyǵynyń bastamasymen josparǵa shetelde oqıtyn jastarǵa arnalǵan «Atameken» atty joba qosylady», - dedi ol.