+7 (701) 759 90 19
USD 426.01 EUR 493.75
RUB 6.05 CNY 66.62
Jańalyqtar

«Jastar tájirıbesi» baǵdarlamasyna qatysqandardyń 50 paıyzy turaqty jumysqa ornalasady

2021 jylǵy 28 tamyz 14:47
Bólisińiz:
«Jastar tájirıbesi» baǵdarlamasyna qatysqandardyń 50 paıyzy turaqty jumysqa ornalasady

NUR-SULTAN. QazAqparat – «Jastar tájirıbesi» baǵdarlamasyna qatysqandardyń 50 paıyzy turaqty jumysqa ornalasady. Bul týraly QR Eńbek jáne halyqty áleýmettik qorǵaý vıtse-mınıstri Erjan Birjanov aıtty, dep habarlaıdy QazAqparat tilshisi.

«Jastar úshin «Alǵashqy jumys orny», «Jastar tájirıbesi» syndy baǵdarlamalar jumys isteıdi. Baǵyt óte kóp. Nıet bolsa jumys tabylady. Kópshiligi keıde jumystyń bul túrlerine barǵylary kelmeıdi. Aıtalyq, jastar praktıkasy boıynsha aılyq jalaqy 73 myń teńge. Jastar bári qymbat, al jalaqysy ne bári 73 myń teńge dep oılaıdy. Biraq, baǵdarlama jas býyn birinshi daǵdy alýy úshin iske qosylǵan», - dedi Erjan Birjanov QazAqparat tilshisine bergen suhbatynda.

Vıtse-mınıstrdiń atap ótýinshe, bul baǵdarlamaǵa qatysqan jas mamanǵa tólenetin qarjy munymen shektelmeıdi. Jergilikti atqarýshy organ tarapynan da, jumys berýshi tarapynan da jalaqyny qosymsha sýbsıdııalaý múmkindigi qarastyrylǵan.

«Búginde jastardyń qajettiligi artyp keledi. Olarǵa bolmashy jalaqyǵa bola jumys isteý qıyndyq týdyrady. Biraq, qalaı degende de birdeńeden bastaý qajet qoı. Eger jastar bul baǵdarlamalarǵa qatysatyn bolsa, onda óte jaqsy. Jyl saıyn 27 myńnan astam adam memleket jalaqysyn óteıtin jastar tájirıbesine qatysady», - dedi ol.

Aıta keterligi, «Jastar tájirıbesi» baǵdarlamasy aıasynda maman 6 aı boıy jumys isteıdi. Statıstıkaǵa sáıkes, osy merzim ishinde jastardyń 50 paıyzy sol orynǵa turaqty jumysqa ornalassa, qalǵan 50 paıyzy jańa jumys izdeýge májbúr bolady. Al kelesi baǵdarlama «Alǵashqy jumys orny» dep atalady.

«Alǵashqy jumys orny» - bul ýnıversıtet túlegi óz mamandyǵy boıynsha uıymǵa jumysqa ornalasýy. Jergilikti atqarýshy organ jyl boıy aılyq jalaqysyn ótep otyrady. Bir jyl bitkennen keıin ol atalǵan uıymda turaqty jumysqa ornalasady degen jospar bar», - dedi vıtse-mınıstr.


Bizdiń kanalymyzǵa jazylyńyz:

Bólisińiz:

Avtor:

Marlan Jıembaı

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT