Jańalyqtar  >
Jastar Qazaqstannyń kez kelgen óńirinen jumys taba alady – Eńbek mınıstri
2022 jylǵy 12 tamyz 12:49

Jastar Qazaqstannyń kez kelgen óńirinen jumys taba alady – Eńbek mınıstri

NUR-SULTAN. QazAqparat – QR Eńbek jáne halyqty áleýmettik qorǵaý mınıstri Tamara Dúısenova Soltústik Qazaqstan oblysyna sapary barysynda belsendi jastarmen, eriktilermen, jastar resýrstyq ortalyqtary jáne úkimettik emes uıym ókilderimen kezdesti, dep habarlaıdy QazAqparat.

ligi

Mınıstrliktiń baspasóz qyzmeti taratqan aqparatqa qaraǵanda, mınıstr Memleket basshysynyń tapsyrmasy boıynsha jas mamandardy jumyspen qamtý jáne ózge de qoldaý sharalary jóninde aıtyp berdi.

Tamara Dúısenova óz sózinde Memleket basshysynyń tapsyrmalaryn iske asyrý aıasynda jastardy nátıjeli jumyspen qamtýǵa baǵyttalǵan keshendi sharalar júzege asyrylyp jatqanyn atap ótti.

«Ulttyq jobalar men bıznestiń jeke bastamalary sheńberinde qurylatyn barlyq jumys oryndary Elektrondyq eńbek bırjasynda ornalastyrylady. Bul platforma bos jumys oryndaryn izdeýdiń de, qyzmetkerlerdi izdeýdiń de biryńǵaı alańyna aınalady. Qazir Elektrondyq eńbek bırjasynda jumys berýshilerden 122 myńǵa jýyq bos jumys orny usynyldy, 151 myń jas jumys izdep óz túıindemelerin ornalastyrdy», – dep habarlady Tamara Dúısenova.

Mınıstr jastardy iri óndiristik kásiporyndarǵa jumysqa ornalastyrý jobasy jumyspen qamtýǵa baǵyttalǵan taǵy bir mańyzdy shara ekenin aıtty. Oǵan birinshi bolyp ERG kompanııalar toby qosyldy, ol Elektrondyq eńbek bırjasynda bos oryndar tizimin usyndy. Osylaısha, 200-den astam jas maman jumysqa ornalastyryldy. Jaqyn bolashaqta basqa kompanııalardan bos jumys oryndary qoljetimdi bolady.

«Ótken aıda Elektrondyq eńbek bırjasynda biz Qazaqstandaǵy alǵashqy onlaın eńbek jármeńkesin ótkizdik. Іs-shara 35 jasqa deıingi jastardy jumysqa ornalastyrýǵa baǵyttaldy. Jármeńkege 23 iri kompanııa, bankter men saýda jelileri qatysyp, 1330 bos jumys ornyn usyndy. 3,5 myń túıindeme kelip tústi, jumys berýshiler qazirgi ýaqytta tańdalǵan kandıdattarǵa odan ári baǵalaý júrgizýde. Mundaı jármeńkeler turaqty negizde ótkiziledi», – dedi Tamara Dúısenova.

Mınıstr Elektrondyq eńbek bırjasy arqyly jumys taýyp qana qoımaı, tańdalǵan baǵyt boıynsha onlaın kýrstardan ótip, jańa kásibı daǵdylarǵa úırenýge bolatynyn atap ótti.

«Sizder jastar arasynda suranysqa ıe daǵdylar boıynsha kýrstardyń avtory bola alasyzdar. Olardy Elektrondyq eńbek bırjasynda tegin ornalastyra alasyz, al bolashaqta aqyly negizde eń tanymal kýrstar boıynsha oqýdy jalǵastyra otyryp, odan aqsha taba alasyz», – dep tolyqtyrdy Tamara Dúısenova.

Mınıstr sondaı-aq jastardy iske asyrylyp jatqan ulttyq jobalar sheńberinde jumysqa ornalasýǵa belsendi qatysýǵa shaqyrdy. Sonymen qatar, ol jastardyń Qazaqstannyń kez kelgen óńirinen jumys taba alatynyn atap ótti.

Sóziniń sońynda Tamara Dúısenova eńbek naryǵynda eń úlken qıyndyqtarǵa tap bolǵan jastar jumys oryndaryn sýbsıdııalaý boıynsha JOO men kolledj túlekterine arnalǵan Jastar praktıkasy, bilimi men jumys tájirıbesi joq jastarǵa arnalǵan «Alǵashqy jumys orny» jobalaryna qatysa alatynyn atap ótti.


Foto: QR Eńbek jáne halyqty áleýmettik qorǵaý mınıstrligi



Uqsas jańalyqtar
Seriktester jańalyqtary

Jańalyqtar

Úrdis

MURAǴAT