+7 (701) 759 90 19
USD 422.87 EUR 503.38
RUB 5.6 CNY 64.3
Jańalyqtar

Jastar arasyndaǵy ınnovatsııalyq ıdeıalar baıqaýy bastaldy

2020 jylǵy 23 qazan 22:26
Bólisińiz:
Jastar arasyndaǵy ınnovatsııalyq ıdeıalar baıqaýy bastaldy

KÓKShETAÝ. QazAqparat - Aqmola oblysynda jastar, stýdentter, jas kásipkerler arasynda «AQMOLA POWER» ınnovatsııalyq ıdeıalar jáne jobalar baıqaýy bastaldy, dep habarlaıdy QazAqparat tilshisi oblystyq ishki saıasat basqarmasyna silteme jasap.

Jastardyń shyǵarmashylyq, bilim berý jáne áleýmettik bastamalaryn qoldaý maqsatynda jyl saıyn ótkiziletin ınnovatsııalyq jobalar baıqaýy energetıka, aqparattyq tehnologııa, aýyl sharýashylyǵy, ekologııa jáne tabıǵatty paıdalaný salalaryn qamtıdy.

Uıymdastyrýshylardyń aıtýynsha, bıylǵy jyly shekteý sharalaryna baılanysty baıqaý materıaldary onlaın qabyldanady.

«Usynylǵan jumystar ózektiligi, taqyrypty ashýy, ıdeıa jáne kórkemdik mazmuny, jańa tehnologııany qoldaný, ǵylymı jáne jańalyǵy boıynsha baǵalanady. Eń úzdik ınnovatsııalyq ıdeıalar kórmege qoıylady», - dep atap ótti oblystyq jastar resýrstyq ortalyǵynyń basshysy Anargúl Belgibaeva.

Baıqaýǵa ótinish 24 qarashaǵa deıin 4 kezeń boıynsha qabyldanady. Jeńimpazdardy marapattaý jeltoqsan aıyna josparlanǵan. Jeńimpazdar 350, 250 jáne 150 myń teńge kóleminde aqshalaı sertıfıkat alady.

Baıqaý osymen altynshy ret uıymdastyrylyp otyr. Ótken jyly 58 ótinish qabyldandy. Onyń ishinde Kókshetaýdaǵy Joǵary tehnıkalyq kolledj stýdenti Álıhan Qaıranyń «Ekologııalyq sýtegi otyny arqyly jumys isteıtin, ishinen janatyn qozǵaltqysh» ınnovatsııalyq jobasy úzdik dep tanyldy.


Bizdiń kanalymyzǵa jazylyńyz:

Bólisińiz:

Avtor:

Aslan Ospanov

Pikir qaldyrý
+7
Jiberý
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Aıdar Ospanalıev
Aıdar Ospanalıev
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT