+7 (701) 759 90 19
USD 425.3 EUR 501.05
RUB 5.85 CNY 65.88
Jańalyqtar

Jasotandyqtar búkil el boıynsha eko-aktsııa uıymdastyrdy

2021 jylǵy 27 maýsym 20:09
Bólisińiz:
Jasotandyqtar búkil el boıynsha eko-aktsııa uıymdastyrdy

NUR-SULTAN. QazAqparat – Jasotandyqtar QR Táýelsizdiginiń 30 jyldyǵyna arnalǵan «30 ıgi is» respýblıkalyq aktsııasy aıasynda respýblıkalyq eko-aktsııa uıymdastyrdy, dep habarlaıdy QazAqparat.

Uqsas jańalyqtar
Ekologııa mınıstrligi Kishi Taldykólge qatysty máselege túsinik berdi Petropavlda jaǵymsyz ıispen kúresý úshin bıotoǵanǵa 4 myń tonna baldyr salyndy Ekologııa mınıstrligi aldaǵy on jylda qaldyq kólemin 50 paıyzǵa azaıtpaq

«Elordadan bastaý alǵan aktsııa, elimizdiń oblys, aýdan ortalyqtarynda da ótti. Qatysýshylar kóshelerdi, aryqtardy, qoqys oryndaryn tazalaýǵa kómektesti. Aktsııaǵa belsendi jasotandyqtar, jas kóshbasshylar, «Biz Birgemiz» volonterler qozǵalysynyń músheleri qatysty. Aktsııa barlyǵy 2500 astam adamdy qamtydy. Qatysýshylar qashyqtyqty jáne arnaıy maska rejımin qatań saqtady», - dedi «Jas Otan» jastar qanatynyń baspasóz qyzmetinen.

Mysaly, Aqmola oblystyq «Jas Otan» JQ fılıaly Kókshetaý qalasynyń ortalyq saıabaǵyn qoqystan tazartsa, Almaty jastary qalanyń aǵashtary men jasyl jelekterdi kútip ustaýǵa atsalysty.

«Jas Otan» JQ tóraǵasy Nurjan Jetpisbaev atap ótkendeı, árbir eko-aktsııa tárbıelik sıpatqa ıe.

«Ekologııalyq aktsııa óziniń tikeleı mindetinen basqa, taǵy bir mańyzdy fýnktsııany oryndaıdy. Ol azamattyq ustanymy bıik tulǵalardy «Bul meniń qalam. Men ony taza jáne jasyl etemin!» atty ıdeıasymen biriktiredi. Bul iske jastardyń kóptep kelýi jáne qalamyzdyń kelbetin jaqsartýǵa óz úlesterin qosqany meni qatty qýantady! Óıtkeni «30 ıgi is» aktsııasy adamdar men qoǵam úshin arnalǵan naqty is-sharalarǵa, meıirim men jaqsylyqty arqaý etken aktsııalarǵa negizdelgen», - dedi Nurjan Jetpisbaev.

Óz kezeginde «Biz Birgemiz» qozǵalysynyń volonteri Rýslan Bahtııarov árbir aktsııa qalany kórkeıtýge jáne eriktiler qozǵalysyna óz úlesin qosýǵa úlken múmkindik beretiniń atap ótti.

Táýelsizdiktiń 30 jyldyǵyna arnalǵan «30 ıgi is» aktsııasy sheńberindegi is-sharalar ári qaraı jalǵasyp, kelesi aılarda mynadaı taqyryptarǵa arnalady: shilde – «Baqytty otbasy», tamyz – «Damý», qyrkúıek – «Bilim», qazan – «Ómir syıla», qarasha – «Sana», jeltoqsan – «Egemendilik».

Aıta keteıik, jasotandyqtar QR Táýelsizdiginiń 30 jyldyǵyna arnalǵan «30 ıgi is» respýblıkalyq aktsııasyna belsendi qatysyp keledi. Olar búkil el boıynsha jalǵyzbasty zeınetkerlerge úı mańyndaǵy aýmaqty qardan tazartýǵa, úıdiń ishin retke keltirýge kómektesti. 9 Mamyr jáne Halyqaralyq áıelder kúni qarsańynda quttyqtaý aktsııalaryn uıymdastyrdy. Medıtsına qyzmetkerlerine «alǵys paketterimen» qamqorlyq jasap, az qamtylǵan balalardy balalar merekesimen quttyqtady.


Bizdiń kanalymyzǵa jazylyńyz:

Bólisińiz:
Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Janat Qapalbaeva
Janat Qapalbaeva
954-059

MURAǴAT