+7 (701) 759 90 19 Lenta
USD 386.70 EUR 427.15
RUB 6.06 CNY 54.57
Jańalyqtar

Jasóspirimderdiń dinı aǵymǵa erýine áleýmettik jeliniń áseri bar - teolog

2019 jylǵy 8 shilde 21:33
Bólisińiz:
Jasóspirimderdiń dinı aǵymǵa erýine áleýmettik jeliniń áseri bar - teolog

ALMATY. QazAqparat - Jat dindi qoldaýshylar arasynda jasósipirimder jıi kezdesedi. Bul - úlken másele. Balalardyń dál osy joldy tańdaýyna eń aldymen ortasy jáne áleýmettik jelidegi túrli saıttar sebep bolyp otyr, dep habarlaıdy QazAqparat tilshisi.

Qazir ınternet zamany. Áleýmettik jeliniń dáýiri júrip turǵan kezeń. Jat aǵymdy qoldaıtyndardyń úgit-nasıhatyn únemi baqylaýda ustaý múmkin emes. Sanany ýlaıtyn, teris pıǵyldy adamdardyń arbaýyna oqýshylar da túsip jatyr. Bolashaǵyna balta shapqaly turǵan balalarmen mamandar jumys istep keledi.

«Balalardy úgitteıtin - áleýmettik jeli. Balalar túrli saıttarǵa kiredi, oqıdy, balasynyń ne oqyp jatqanyn ata-anasy da bilmeıdi. Mysal retinde aıtaıyn, Reseıdiń Máskeý memlekettik ýnıversıtetinde oqyǵan, ozat stýdent Varvara Karaýlova degen qyz boldy. Onyń ata-anasy da, ózi de musylman emes. Biraq, sol Varvara Sırııaǵa ketip qaldy. Bul oqıǵa Resseıde úlken rezonans týǵyzdy. Ákesi áreń degende qaıtardy. Sol qyz ótkende jazasyn ótep shyqty. Qazir 19 jasta. Mundaı jaǵdaılar bizde de bar»,-deıdi belgili ıslamtanýshy Asqar Sabdın.

Almaty qalalyq qoǵamdyq damý basqarmasy teris aǵymdaǵy azamatarmen ońaltý jumystaryn júrgizý maqsatynda túrli sharalar uıymdastyrýdy qolǵa aldy. Buǵan tek teologtar ǵana yqpal ete almaıdy. Sondyqtan, arnaıy mamandardy tartý kózdelgen. Psıholog, pedagog, ata-ana, quqyq qorǵaý organdary túgeldeı atsalysyp jatyr. Dinı turǵydan júrgizilgen ońaltý jumysynyń yqpaly - 20%.

«Men sóılesetin adamdardyń ishinde mektep oqýshylary men jasósipirimder bar. Olardyń basym bóligi sol jat aǵymda júrgen ata-analardyń balalary. Biraq, men ondaı balalarmen tek ata-analarynyń ruqsatymen ǵana sóılese alamyn. Jeke ózim olardy sózge tarta almaımyn. Sebebi, quqyǵym joq. Ata-anasy bizge ótinish jasasa ǵana baramyz»,-deıdi teolog Asqar Sabdın.

Qazaqstandaǵy eń jas terrorıst - Sultan Qabıev bolatyn. 17 jastaǵy jigit 2016 jyly 5 maýsym kúni Aqtóbede oryn alǵan teraktide kóz jumdy. Onyń boıyndaǵy ekstremısttik kózqaras bala kúninen qalyptasqan deıdi maman.

«2012 jyly Sultannyń ájesi Aqtóbe ákimdigine kelip, kómek surady. Meniń balam úıde de, mektepte de joq, taýyp berińizder dedi. Bir aptadan keıin oqýshy tabyldy. Bazarda telefon jóndeıtin jigittiń janynda bolǵan. Keıin úıine apara jatqanda jolda «nege úıden qashtyń?» dep suradyq. Jylap turyp «meniń ata-anam Allaǵa serik qosady, qaıtys bolǵan ata-babalaryna quran baǵyshtaıdy, sondyqtan men olarmen turmaımyn» dep jylady. Biz ol balaǵa quran baǵyshtaýdyń eshqandaı kúná emestigin, kerisinshe saýap ekenin túsindirdik. Biraq, qanshalyqty túsindi, bilmeımin. Negizi aǵasy da sottalǵan terrorızm boıynsha. Keıin men «Arýaqqa quran baǵyshtaý» degen kitap jazdym. Ony jazýyma dál osy Sultan túrtki boldy»,-deıdi Asqar Sabdın.

Sarapshy, ıslamtanýshy, teologtardyń aıtýynsha, balalarǵa eń aldymen ata-ana jaýapty. Jasósipirimdik shaq - eń qaýipti kezeń. Dál osy ýaqytta abaı bolǵan jón. Balalardyń sanasyn ýlaýǵa, dinı aǵymdardyń jetegine ketýine jol berilmeýi kerek. Bul - qoǵam, ult, memleket, otbasy aldyndaǵy paryz dep túsiný qajet.

Bizdiń kanalymyzǵa jazylyńyz:

Bólisińiz:

Avtor:

Alma Muqanova

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT