+7 (701) 759 90 19
USD 430.39 EUR 515.52
RUB 5.68 CNY 66.03
Jańalyqtar

Jasóspirimder tárbıesi baǵytynda aýqymdy jumys jasalýda - Maral Jaqypova

2021 jylǵy 12 aqpan 02:36
Bólisińiz:
Jasóspirimder tárbıesi baǵytynda aýqymdy jumys jasalýda - Maral Jaqypova

KÓKShETAÝ. QazAqparat – Jasóspirimderdi kitappen tárbıeleýde Aqmola oblysynda aýqymdy jumystar atqarylýda. Bul týraly Aqmola oblysynyń «Rýhanı jańǵyrý» óńirlik jobalaý keńsesiniń basshysy Maral Jaqypova aıtty, dep habarlaıdy QazAqparat tilshisi.

Uqsas jańalyqtar
«Rýhanı jańǵyrý»: 13 myń metsenat týǵan ólkesin gúldentýge atsalysty «Rýhanı jańǵyrý»: Tórt jylda qoǵam ómirinde tyń tendentsııalar paıda boldy

«Rýhanı jańǵyrý» baǵdarlamasy sheńberinde ótken jyly Aqmola oblysynyń tanymal aqyn-jazýshylarynyń kórkem shyǵarmalarynan úzindiler alynǵan birinshi jáne ekinshi serııasyn shyǵardyq. Ony alǵashqysynda on aýdıokitap jergilikti aqyn-jazýshylardyń kórkem shyǵarmalary qamtylsa, ekinshisinde Kókshetaý jáne Býrabaı týraly jazǵan qazaqstandyq aqyn-jazýshylardyń shyǵarmalary toptastyryldy. Endi mine, Baıanǵalı Álimjanov bastaǵan akmolalyq aqyn-jazýshylardyń balalarǵa arnalǵan shyǵarmalaryn jınastyryp, aýdıokitaptyń úshinshi serııasyn shyǵarýda josparlap otyrmyz. Jalpy, óńirde jasóspirimderdi kitappen tárbıeleýde aýqymdy jumystar atqarylýda», - dedi Maral Jaqypova.

Sonymen qatar, ol Aqmola oblysynyń «Rýhanı jańǵyrý» óńirlik jobalaý keńsesi ótken jyly oblys boıynsha 37 jobany júzege asyrǵanyn atap ótti. Olardyń qatarynda óńirlik keńseniń onǵa jýyq turaqty jobalary bar. Jastardyń belsendiligin arttyrýǵa, mamandyq tańdaýda kómek bolsyn degen maqsatpen «Aqmola oblysynyń talanttary» jobasy qolǵa alyndy. Onda ár salada joǵary jetistikterge qol jetkizgen jas talanttar týraly 50-ge jýyq post jarııalandy.

Táýelsizdiktiń 30 jyldyǵyn merekeleý sheńberinde, Aqmola oblysynyń esimi atalmaı qalǵan týmalary, Alash qaıratkerleri týraly «on derek» jobasy boıynsha 30-dan astam beınerolık jaryq kórdi. Qorshaǵan ortany aıalaý maqsatynda «Kókshetaý – kók qaraǵaı mekeni» atty ekologııalyq aktsııasy uıymdastyryldy.

Jas túlekterge arnalǵan «Men tańdaǵan mamandyq» esse baıqaýy uıymdastyryldy, sondaı-aq, «Memlekettik til - meniń tilim» jobasy aıasynda ózge ult ókilderiniń qatysýymen beınerolıkter jarııalandy. Abaı Qunanbaıulynyń 175 jyldyq mereıtoıyna oraı «Adamzattyń bárin súı baýyrym dep...» atty oblystyq alǵash onlaın rejimdegi aqyndar aıtysy kórermen kóńilinen shyqty. «Biz – Abaı jolyndamyz» respýblıkalyq baıqaýy da máresine jetti. Uly aqyn Abaıdyń 175 jyldyq mereıtoıyna oraı Aqmola oblysy «Rýhanı jańǵyrý» óńirlik jobalaý keńsesi oqý-ádistemelik ortalyǵymen birlese otyryp respýblıkalyq «Biz – Abaı jolyndamyz» onlaın esse baıqaýyn ótkizdi. Baıqaýǵa qatysýǵa tilek bildirgender Muhtar Áýezovtiń «Abaı joly» roman-epopeıasyn oqyp shyǵyp, aqtyq kezeńge joldama aldy. Onlaın baıqaýdyń maqsaty da sol, «Abaı joly» romanynyń jappaı oqylymyn uıymdastyryp, jastar arasynda Abaıdyń tarıhı tulǵasyn keńinen tanymal etý boldy.

Aqmola oblysyndaǵy 60-tan astam ájeniń qatysýymen «Ertegiler elinde» jobasy, «Babalar rýhy balalarǵa» 7-14 jastaǵy uldar arasynda batyrlaryn jyrynan baıqaý ótkizildi. «Rýhanı jańǵyrý - jańa qyrynan» atty jyl nátıjesi boıynsha jasalǵan 20 mınýttik aqparattyq - derekti fılm jaryq kórip, «Babalar rýhy – balalarǵa» atty oblystyq onlaın baıqaýy uıymdastyryldy. Baıqaý batyr babalarymyzdyń dańqty tulǵalaryna taǵzym etip, olardan mıras bolyp qalǵan erlik pen órliktiń rýhyn jas jetkinshekterdiń boıyna sińirý maqsatynda uıymdastyryldy. Sonymen birge, bıyl «Batamen el kóger» aqsaqaldar arasynda bata baıqaýyn ótkizý de josparlanǵan.
Bizdiń kanalymyzǵa jazylyńyz:

Bólisińiz:

Avtor:

Aslan Ospanov

Uqsas jańalyqtar
Pikir qaldyrý
+7
Jiberý
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059

MURAǴAT