Jasóspirimder arasynda qylmys beleń alyp barady
2022 jylǵy 30 maýsym 19:50

Jasóspirimder arasynda qylmys beleń alyp barady

NUR-SULTAN. QazAqparat – Qazaqstanda balalar men jasópirimder jasaıtyn qylmystar jıilep ketti. Mundaı derekti ranking.kz portaly usynyp otyr, dep habarlaıdy QazAqparat tilshisi.

Osy jyldyń qańtar-mamyrynda elimizdiń aýmaǵynda 574 jasóspirim qylmystyq quqyq buzýshylyq jasaǵan. Bul bir jyl burynǵy derekten 8,1 paıyzǵa artyq.

Onyń ishinde 38 jasóspirim jat qylyq tanytsa, 536-sy qylmysqa barǵan.

Al zańmen qýdalanatyn áreketke barǵandardyń ishinde 254 - ortasha aýyr, 225-i - aýyr, 44-i - kishigirim aýyr, 13-i - asa aýyr qylmys jasaǵan..

Óńirler arasynda Almaty oblysynda zań buzatyn jasóspirimderdiń qatary bir jyl burynǵy kórsetkishten 24,5 paıyzǵa (66 jasóspirim) artyp ketken.

Odan keıingi orynda Shyǵys Qazaqstan (50 quqyq buzýshy), Qaraǵandy men Túrkistan oblystary (47 quqyq buzýshydan) tur.

Eń tómen kórsetkish Soltústtsik Qazaqstan oblysynda tirkelgen: 12 jasóspirim.

Bıyl bes aıdyń ishinde jasóspirimder bireýdiń menshigine qatysty quqyq buzýshylyqqa jıi barǵan: 421 adam.

Onyń ishinde 250 jasóspirim urlyq ústinde ustalyp, 68-si tonaý, 37-i alaıaqtyq, 26-sy kishigirim buzaqylyq jasasa, 23-i avtomobıldi nemese basqa kólik quraldaryn zańsyz júrgizgen.

Elimizdiń Іshki ister mınıstrligi de balalardyń demalys maýsymy bastalǵan sátten jassópirimderdiń túngi ýaqytta kóshede júrýi jıilep ketkendigin málimdep otyr.

Jasóspirim túngi ýaqytta quqyq qorǵaýshylardyń qolyna tússe, onda olar polıtsııa bólimshesine jetkiziledi. Sol jerde onyń aty-jóni anyqtalyp, ata-anasyna habar beredi.

Bul rette jasóspirim kóńil kóterý ornynda júrgen bolsa ata-anasyna úsh aılyq eseptik kórsetkish kóleminde aıyppul salynady.

Al jasóspirim túngi ýaqytta polıtsııa kózine tússe, onda birinshi joly eskertý beriledi.

Eger ekinshi márte qolǵa tússe, onda ata-anasy 7 aılyq eseptik kórsetkish kóleminde aıyppul arqalaıdy.


Seriktester jańalyqtary

Jańalyqtar

Úrdis

MURAǴAT