+7 (701) 759 90 19
USD 420.32 EUR 509.34
RUB 5.7 CNY 64.85
Jańalyqtar

Jasarǵan jańa býyn: Nur Otan atynan Májiliske usynylǵan depýtattar jaıly ne bilemiz

2020 jylǵy 25 qarasha 18:57
Bólisińiz:
Jasarǵan jańa býyn: Nur Otan atynan Májiliske usynylǵan depýtattar jaıly ne bilemiz

NUR-SULTAN. QazAqparat – Qazaqstan Respýblıkasynyń zańnamasyna sáıkes, Parlament Májilisi 107 depýtattan turady. Osy orynǵa «Nur Otan» partııasynyń atynan kimderdiń usynylatyny kóptiń asyǵa kútken jańalyqtarynyń biri bolǵany anyq. Endeshe, burynǵy jáne búgingi saılaýdy saraptaı kele oqyrmanǵa partııanyń úmitkerleri týrasynda qyzyqty málimettermen bólise otyraıyq.

Uqsas jańalyqtar
Atyraý oblystyq máslıhatyna jańa hatshy saılandy BQO máslıhatyna jańadan hatshy saılandy Almaty  máslıhatyna jańa hatshy saılandy

VII shaqyrylymnyń 98 depýtaty 2021 jyldyń 10 qańtarynda partııalyq tizimder negizinde (proportsıonaldy júıe) saılaý nátıjesi boıynsha anyqtalady. Al 2021 jyldyń 11 qańtarynda Qazaqstan halqy Assambleıasy (QHA) óz qatarynan Májiliske taǵy 9 depýtatty usynýy kerek.

«Nur Otan-nyń» partııalyq tiziminde depýtattyqqa 126 úmitker bar. Bul - barlyq partııanyń ishindegi eń kóbi deýge bolady (QHP-da bir úmitker ǵana az).

«Nur Otan» partııasynan Parlament Májilisi depýtattyǵyna usynylǵan 126 úmitkerdiń 77-i (61,1%) - praımerız jeńimpazy.

Partııalyq kvota boıynsha tizimge 49 (38,8%) úmitker engen. «Nur Otan» partııasynyń 126 múshesiniń 16-sy (12,7%) partııaǵa praımerız aldynda qosylǵandar.

2016 jyly «Nur Otan» partııasy zeınetker jasyndaǵy 23 úmitkerdi usynǵan bolatyn. 2021 jylǵy saılaýǵa partııalyq tizimde mundaı sanatta 2-aq úmitker bar. Jalpy «Nur Otan» partııasynyń tizimindegi úmitkerlerdiń ortasha jasy – 48. 2016 jyly ortasha jas 52 bolǵan edi. 126 úmitkerdiń 37-si (29,4%) áıel, onyń ishinde 3-i - kóp balaly ana. 15 adam (13,5%) - 35 jasqa deıingi jastar.

Partııalyq tizimge oblystyń nemese respýblıkalyq mańyzy bar qalalardyń birde-bir ákimi engizilmegenin aıta ketken jón.

Tizimde kóptegen qoǵam qaıratkeri baryn atap ótý kerek. Mysaly, ekologııalyq uıymdar qaýymdastyǵy tóraǵasynyń orynbasary Eldos Abaqanov jalpaq jurtqa tanys bolmaýy múmkin. Biraq ol ekologııa salasyndaǵy beldi sarapshy. Sol sekildi Tilektes Adambekov baılanys salasynyń mamany ári «Qazpochta» AQ-nyń ІT-ınfraqurylymy boıynsha atqarýshy dırektory laýazymyn atqarady. Janarbek Áshimjan - qazirgi zııaly qaýymnyń ókili. Aqyn, jýrnalıst jáne pýblıtsıst búkil ómirin qazaq ádebıeti men otandyq jýrnalıstıkanyń damýyna arnap keledi. Odan bólek «Nur Otan» partııasy janyndaǵy Otbasy, áıelder jáne balalardyń quqyqtaryn qorǵaý jónindegi respýblıkalyq qoǵamdyq keńes tóraǵasynyń orynbasary Dınara Zákıeva da tizimde. BTS Digital-diń bilim berý jobalarynyń jetekshisi Saıasat Nurbek bolsa bilimge ınnovatsııalyq tásilderdi engizýde tájirıbesi mol tanymal sarapshy. Eýrazııalyq zertteýler ınstıtýtynyń dırektory, QR Kásipodaqtar federatsııasy tóraǵasynyń burynǵy orynbasary ári Ulttyq keńes múshesi Erlan Saırov ta partııa qatarynan kandıdattardyń tizimin tolyqtyrdy. Partııalyq tizimde Ulttyq keńestiń taǵy bir múshesi Aıdos Sarym bar. Ol jetekshi saıasattanýshylardyń biri. Sondaı-aq saıasattanýshy dástúrli qazaq mádenıetin saqtap, ony jastar arasynda keńinen nasıhattaý isin ustanady. Vera Kım - «Ulttyq eriktiler jelisi» ZTB tóraǵasy. Óziniń áleýmettik qyzmetinde Vera jyl saıynǵy eriktiler jınalysy arqyly volonterlardy oqytý kampanııalaryn uıymdastyryp keledi.

Partııalyq tizimdi barynsha kúsheıtý úshin qatarǵa saıası salmaǵy bar azamattar da qosylǵan. Olardyń qatarynda partııa tóraǵasynyń birinshi orynbasary Baýyrjan Baıbek, Premer-mınıstr Asqar Mamın, Parlament Senatynyń eks-spıkeri Darıǵa Nazarbaeva, Prezıdent Ákimshiliginiń jetekshisi Erlan Qoshanov, «Samuryq-Qazyna» Ulttyq ál-aýqat qory» AQ basqarma tóraǵasy Ahmetjan Esimov bar.

«Nur Otan» fraktsııasynyń qazirgi depýtattarynyń ishinen tek 24 májilismen saılaý tizimine engizildi. Onyń ishinde Qazaqstan Respýblıkasy Parlamenti Májilisiniń Tóraǵasy, «Nur Otan» fraktsııasynyń jetekshisi Nurlan Nyǵmatýlın bar. Múgedekterdiń múddeleri men quqyqtaryn qorǵaýshylardyń biri - qazirgi Májilis depýtaty Janat Omarbekova da osy qatarda. Burynǵy Indýstrııa jáne jańa tehnologııalar vıtse-mınıstri, Investıtsııalar jáne damý mınıstriniń orynbasary Albert Raý da áli attan túspeıtin sekildi. QR Prezıdenti janyndaǵy Áıelder isteri jáne otbasylyq-demografııalyq saıasat jónindegi ulttyq komıssııanyń múshesi Irına Ýnjakova, uzaq jyldar boıy memlekettik qyzmette jumys istegen Darhan Myńbaı taǵy da depýtat bolýy múmkin.

Úmitkerlerdiń tolyq tizimimen myna jerden tanysýǵa bolady.


Bizdiń kanalymyzǵa jazylyńyz:

Bólisińiz:

Avtor:

Aıan Bekenuly

Pikir qaldyrý
+7
Jiberý
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Janat Qapalbaeva
Janat Qapalbaeva
954-059

MURAǴAT