Zhas Project: 1 mln teńgeden 250-den astam grant bólindi
2022 jylǵy 12 tamyz 19:25

Zhas Project: 1 mln teńgeden 250-den astam grant bólindi

NUR-SULTAN. QazAqparat – Bıyl joba Almaty, Jetisý, Qaraǵandy, Ulytaý, Mańǵystaý jáne Túrkistan oblystarynda júzege asyrylyp jatyr, dep habarlaıdy QazAqparat Aqparat jáne qoǵamdyq damý mınıstrliginiń baspasóz qyzmetine silteme jasap.

Atalǵan aımaq jastarynyń bastamalaryn qoldaýǵa árqaısysy 1 mln teńgelik 250-den astam shaǵyn grant bólindi.

«Zhas Project» jobasynyń negizgi maqsatynyń biri – jastardy eldi mekenderdiń áleýmettik-ekonomıkalyq ómirine keńinen tartý, jumyspen qamtý, sondaı-aq áleýmettik osal, ásirese aýyldyq jerlerde turatyn jastardyń bıznes-ıdeıalaryn qoldaý.

Aqparat jáne qoǵamdyq damý mınıstrligi Azamattyq bastamalardy qoldaý ortalyǵy jáne qoǵamdyq birlestiktermen birlesip, «Zhas Project» jobasy boıynsha shaǵyn granttarǵa baıqaý jarııalaǵan bolatyn.

Shaǵyn granttar konkýrsyna 18-29 jas aralyǵyndaǵy qazaqstandyqtar qatysty. Jobada jumyssyz retinde tirkelgen jastar, turmysy tómen otbasylarda turatyn jetimder jáne múgedekter, múgedek bala tárbıelep otyrǵan ata-analar, kóp balaly otbasylar, sondaı-aq «Altyn alqa» jáne «Kúmis alqamen» marapattalǵan kóp balaly analarǵa erekshe basymdyq beriledi.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT