+7 (701) 759 90 19
USD 410.70 EUR 465.28
RUB 5.80 CNY 58.81
Jańalyqtar

Jas kelinshekke aldanǵan aqtóbelikter prokýratýradan kómek surady

2019 jylǵy 23 qyrkúıek 18:08
Bólisińiz:
Jas kelinshekke aldanǵan aqtóbelikter prokýratýradan kómek surady

AQTÓBE. QazAqparat – Aqtóbede «West Hause» tutynýshylar kooperatıvine aldanǵan adamdar oblystyq prokýratýraǵa bardy. Olar páter almaq bolyp nesıe rásimdegen, qolynda baryn bergen, dep habarlaıdy QazAqparat tilshisi.

Uqsas jańalyqtar
Óskemende páterdegi gaz qoparylysynan bir adam zardap shekti Túrkistan oblysynda 12 jastaǵy jasóspirim sýǵa batyp ketti Atyraýda Saǵyz ózenine 2 adam batyp ketti

«West Hause» tutynýshylar kooperatıvi 2017 jyly qurylǵan. Sodan beri 70-ten astam salymshy tirkelip, qarjy salǵan. Alǵashqylary páterli bolǵan soń aqtóbelikter senip, aldanǵanyn osy jyldyń mamyr aıynda bildi. Sodan oblystyq polıtsııa basqarmasyna aryz túsirdi.

«Qylmystyq kodekstiń «Alaıaqtyq» baby boıynsha is qozǵalyp, shyǵyn kólemin anyqtaý úshin saraptama taǵaıyndaldy. Kúdikti júkti bolǵan soń ony úıqamaqta ustaı almaımyz», - dedi Aqtóbe oblysy prokýrorynyń orynbasary Baýyrjan Mendebaev.

Tutynýshylar kooperatıvine aqsha salǵandardyń kóbi 29 jastaǵy kúdikti Jadyra Sadyqovanyń týysy bolyp shyqty. Olar jaqyn adamyna senim artyp, aldanyp qalǵandaryna nalıdy. Aralarynda Atyraý oblysynyń da adamdary bar.

«Mamyr aıynda aryz jazyp, bizge úsh tergeýshi bólip berdi. Prokýratýraǵa da aryz túsirgen bolatynbyz. Aramyzda zeınetkerler, múgedek bala tárbıelep otyrǵan otbasy bar. Páter jaldap júrmiz, janaıqaıymyz osy. Erikkennen eshkim kelmeıdi, naqty nátıje qajet. Aqshamyzdy qaıtaryp bersin, biz sony suraımyz», - dedi qala turǵyny Nurlyaıym Dosmuhambetova.

Tergeýshi mán-jaıdy naqty aıtyp berdi.

«Bizde 14 jábirlenýshiniń aryzy bar. Negizi tutynýshylar kooperatıvine 77 adam aqsha salǵan. Qylmystyq is oblystyq prokýratýranyń, oblystyq PD baqylaýynda tur. Saraptama qazan aıynyń orta tusynda shyǵady. Sol kezde shyǵyny belgili bolmaq», - dedi Aqtóbe qalasy polıtsııa basqarmasynyń tergeý jónindegi bastyǵynyń orynbasary Áset Qalıev.

Salymshylardyń keıbiri aýyldaǵy úıin satyp, qalaǵa kóshpek bolǵan. Al keıbiri nesıe rásimdegen. Taǵy bir adam Aqtóbedegi úıin alǵashqy jarna retinde berip, Almatydan páter almaq bolǵan.

Aıta keteıik, oblystyq prokýratýra tergeý merzimi sozylyp ketken soń tártiptik qaýly shyǵarý úshin oblystyq polıtsııa departamentine nusqama berildi. Onyń qorytyndysy bir aptadan soń belgili bolady.


Bizdiń kanalymyzǵa jazylyńyz:

Bólisińiz:

Avtor:

Altynaı Saǵyndyqova

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Janıbek Amangeldı
Janıbek Amangeldı
954-059

MURAǴAT