+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

Jas dáriger jol apatyna ushyrap, dalada jatyp qalǵan júrgizýshini qutqardy

2020 jylǵy 27 aqpan 08:42
Bólisińiz:
Jas dáriger jol apatyna ushyrap, dalada jatyp qalǵan júrgizýshini qutqardy

QARAǴANDY. QazAqparat - Balqash qalasynda turatyn jas dáriger apatqa ushyrap, aıazdy kúni dalada qalyp qoıǵan júk kóliginiń júrgizýshisin qutqardy, dep habarlaıdy QazAqparat tilshisi.

Uqsas jańalyqtar
Otandyq dári-dármek óndirýshiler úsh aýysymmen jumys istep jatyr -vıtse-mınıstr Qazaqstandyqtar óz qajettiligi úshin ózge elderden dári-dármek alyp kele ala ma Aýrýhanalarǵa 3 mlrd teńgeniń medıtsınalyq preparattary taratylýda

25 aqpannan 26 aqpanǵa qaraǵan túni Balqash qalasynan 150 shaqyrym jerde jol-kólik oqıǵasy boldy. KamAZ avtokóliginiń 60 jastaǵy júrgizýshisi kóliktiń aldyńǵy áıneginen ushyp ketti. Oqıǵa eldi mekenderden shalǵaıda bolǵandyqtan zardap shekken adam qardyń ústinde eki saǵat jatyp qalǵan.

Osy sátte júkti áıelderdi Balqashtan Qaraǵandy qalasynyń perınataldyq ortalyǵyna tasymaldaǵan jedel medıtsınalyq járdem kóligi qaıtyp kele jatqan. Brıgada quramynda Balqash qalasy ortalyq aýrýhanasynyń akýsher-gınekology Zańǵar Estaev bolǵan.

«Biz saǵat 21:00-de júkti áıelderdi Qaraǵandyǵa jetkizdik. Qaraǵandydan túngi saǵat 22:00-de shyqtyq. Jolda apat bolǵanyn kórdik, sosyn ol jerge Apattar medıtsınasy trassalyq-qutqarý pýnktiniń brıgadasy keldi. Biz «Kómek kerek pe?» dep suradyq. Olar ózderi medıtsınalyq kómek kórsetetinin aıtty. Biz júrgizýshimen birge mashınaǵa qaıta otyrdyq, sonan soń ári qaraı jol júrdik. 2 shaqyrymnan keıin ekinshi jol-kólik oqıǵasyn baıqadyq. Men mashınadan júgirip shyqtym, er adam qınalyp jatyr eken. Zardap shegýshige jaqyndap, aıaǵy zaqymdanǵanyn baıqadym. Tekserý kezinde eki aıaǵynyń synǵany anyqtaldy. Júrgizýshimen birge álgi kisini zembilge salyp alyp, mashınada alǵashqy kómek kórsete bastadym. Oǵan aýyrsynýdy basatyn dári ektim. Júrgizýshimen birge ony jylytý úshin kórpemen oradyq. Sodan keıin onyń jaǵdaıyna qarap, Balqash qalasy jaqyn ekenin eskerip, ózimzdiń qalalyq aýrýhanaǵa jetkizý týraly sheshim qabyldadyq. Ony aýrýhanaǵa alyp kelip, ári qaraı bizdiń dáriger travmatologtarǵa tapsyrdyq», - deıdi akýsher-gınekolog Zańǵar Estaev.

Búgingi kúni naýqasqa eki san súıegi synǵan degen dıagnoz qoıyldy. Jaǵdaıy birqalypty. Apatqa ushyraǵan er adamdy odan ári medıtsınalyq kómek kórsetý úshin sanıtarlyq avıatsııanyń kómegimen Qaraǵandy qalasynyń H. Maqajanov atyndaǵy klınıkaǵa jetkizý josparlanyp otyr.

Zańǵar Estaev - Almaty qalasynyń Qazaq medıtsınalyq úzdiksiz bilim berý ýnıversıtetiniń 3-kýrs stýdenti. 2019 jyldyń sáýir aıynan bastap Balqash qalasynyń ortalyq aýrýhanasynda akýsher-gınekolog bolyp jumys isteıdi.


Bizdiń kanalymyzǵa jazylyńyz:

Bólisińiz:

Avtor:

Agata Mýhamedjanova

Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Janıbek Amangeldı
Janıbek Amangeldı
954-059
REDAKTOR
Jarylqasyn Saıagúl
Jarylqasyn Saıagúl
954-059
REDAKTOR
Janat Qapalbaeva
Janat Qapalbaeva
954-059

MURAǴAT