+7 (701) 759 90 19
USD 425.37 EUR 492.66
RUB 5.97 CNY 66.15
Jańalyqtar

Jarylystarǵa qaramastan, Arystaǵy áskerıler órtti sóndirýdi jalǵastyra bergen

2019 jylǵy 25 maýsym 11:16
Bólisińiz:
Jarylystarǵa qaramastan, Arystaǵy áskerıler órtti sóndirýdi jalǵastyra bergen

NUR-SULTAN. QazAqparat - Arystaǵy jarylys kezinde áskerıler óz kúshimen eki tehnıkalyq aýmaqty sóndirip úlgergen, dep habarlaıdy QazAqparat tilshisi.

«Jarylys bolǵan áskerı bólimde negizinen kelisimshart boıynsha áskerı qyzmetshiler men basqarýshy ofıtserler bolǵan. Dál oqıǵa kezinde jarylystyń bastalǵanyna qaramastan, áskerı qyzmetshiler óz kúshimen órtti sóndire bergen. Olar tank bazasyndaǵy shynjyr tabandy tehnıkany, ekinshi jáne úshinshi tehnıkalyq aýmaqty sóndirip úlgergen. Óz kúshimen! Qazirgi ýaqytta 500 saper oqıǵanyń saldaryn joıýǵa kúsh salyp jatyr. 50-ge tarta tehnıka jumyldyryldy. Eń birinshi kezekte, Arystyń turǵylyqty eldi mekenderindegi oq-dárilerdi mınasyzdandyrý jumystary júrgizilip jatyr», - dedi Qorǵanys mınıstriniń birinshi orynbasary Murat Bektanov Úkimet otyrysynan keıin tilshilerdiń suraǵyna jaýap bere otyryp.

Onyń aıtýynsha, barlaý jumystaryn júrgizý maqsatynda 1800 maman jumyldyrylǵan.

Eske sala ketsek, Arys qalasyndaǵy áskerı bólimniń qoımasynda 24 maýsym kúni tańerteń jarylys boldy. Apat saldarynan eki adam mert boldy.

Túrkistan oblysyna arnaıy barǵan Qazaqstan Prezıdenti Qasym-Jomart Toqaev Arystaǵy áskerı bólimshedegi oq-dári qoımasyndaǵy jarylystan zardap shekken qala turǵyndarymen kezdesip, qalanyń qalpyna keltiriletinine ýáde berdi.

Búgingi Úkimet otyrysynda Premer-Mınıstr Asqar Mamın jarylys saldarynan kóz jumǵandardyń týǵan-týystaryna kóńil aıtyp, turǵyndarǵa barlyq kómek kórsetiletindigine ýáde berdi.

Jalpy keshegi alasapyran kezde myńdaǵan ata-ana balarynan kóz jazyp qalǵan bolatyn. Qazirgi ýaqytta olardyń barlyǵy da balalarymen qaýyshty, barlyǵy din-aman.

Bizdiń kanalymyzǵa jazylyńyz:

Bólisińiz:

Avtor:

Aıan Bekenuly

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Aıdar Ospanalıev
Aıdar Ospanalıev
954-059

MURAǴAT